ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

فۋتبولدان ۇلتتىق قۇرامانىڭ ەكس-جاتتىقتىرۋشىسى ماگومەد ادييەۆ قازاقستانعا قايتىپ ورالاتىنىن ايتتى

05 ماۋسىم 2024 221

فۋتبولدان قازاقستان قۇراماسىنىڭ بۇرىنعى باس باپكەرى ماگومەد ادييەۆ قازاقستانعا قايتىپ وراتۋى مۇمكىن ەكەنىن مالىمدەدى. ول ەلدى “ەكىنشى وتانىم” دەپ اتاپ، الدىندا ۇلكەن سىناق كۇتىپ تۇرعانىن جەتكىزدى، دەپ حابارلايدى Alash.KZ ۇلتتىق پورتالى. 

 قازاقستان قۇراماسىنىڭ بۇرىنعى باس باپكەرى ماگومەد ادييەۆ ءوزىنىڭ قۇراما جاتتىقتىرۋشىسى قىزمەتىنەن كەتۋى تۋرالى بىلاي پىكىر ءبىلدىردى.

"كەلەسى جىل مەن ءۇشىن جاتتىقتىرۋشى رەتىندە وتە ماڭىزدى بولماق. ويتكەنى "جوسپار بويىنشا ۇزاق ناتيجە كورسەتە الامىن با، جوق پا؟" دەگەن جانە "رپل-دە جوعارى دەڭگەيلى جاتتىقتىرۋشى بولا الامىن با؟" دەگەن سانامدا ساۋال تۇر.
ورتاشا دەڭگەيدەگى جاتتىقتىرۋشى رەتىندە قولىمنان كەلگەنىنىن كورسەتتىم. ەندى ءوزىم ءۇشىن ماڭىزدى جاڭا قادامعا اياق باستىم. الداعى ۋاقىتتا قازاقستانعا قايتىپ ورالاتىنىمدى دا ەشقاشان جوققا شىعارمايمىن. سەبەبى بۇل مەنىڭ ەكىنشى وتانىم"، - دەدى جاتتىقتىرۋشى.

ەستەرىڭىزدە بولسا، ءبىز بۇدان بۇرىن رەسەيدىڭ 60 جاستاعى فۋتبول مامانى ستانيسلاۆ چەرچەسوۆ قازاقستان قۇراماسىنىڭ باس باپكەرى بولىپ تاعايىندالعانىن جازعانبىز. چەرچەسوۆتىڭ جالاقىسى جايلى تاراعان ينسايت اقپارات جۇرت نارازىلىعىنا تۇرتكى بولىپ، ماماننىڭ بىلىكتىلىگىنە قاتىستى دا پىكىرتالاس كۇننەن كۇنگە كۇشەيىپ كەلەدى. 

بۇل ماقالا تۋرالى نە ويلايسىز؟