ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ForteBankء-تىڭ قازاق ءتىلىن قاجەت ەتپەيتىنىن بىلگەن 420-دان استام قىزمەتكەر جالاقىدان باس تارتتى

09 مامىر 2024 1945

قازاقستانداعى اتاعى جەر جارعان Forte Bank كومپانياسىنىڭ باسى داۋعا قالدى. ولار الەۋمەتتىك جەلىدەگى پاراقشالارىنا قىزمەتكەرلەر ىزدەپ جاتقانىن جازدى. حابارلاندىرۋدا "قىزمەتكەرگە قازاق ءتىلىن ءبىلۋ ماڭىزدى ەمەس" دەگەن ءسوز بولدى. وسىنى كورگەن بارلىق قازاقستاندىق شۋ كوتەردى. بەلگىلى ۇستاز، «QAZBILIM» ۇلتتىق ليسەيلەرىنىڭ قۇرىلتايشىسى، باسقارما ءتوراعاسى اياتجان احمەتجان ۇلى دا پىكىر ءبىلدىردى.

"قازاق ءتىلىن جۇيەلى ىسپەن قورعاماساق، فورتە بانك سەكىلدىلەر ۇلتتىڭ ءتىلىن ماڭگى مازاق ەتە بەرەدى!

QAZBILIM ۇلتتىق ليسەيلەرى 8 قالادا 420 دان استام قىزمەتكەر بۇگىنگە دەيىن جالاقىسىن ForteBank تەن الىپ كەلگەن ەدى.

فورتە بانك ۇلتتىڭ ءتىلىن قاجەت ەتپەسە، وندا QAZBILIM ۇلتتىق ليسەيلەرى قىزمەتكەرلەرى دە فورتە بانكتىڭ كارتاسىن قاجەت ەتپەيدى. قولدانبايدى. بۇدان بىلاي جالاقىنى باسقا بانكتەن الاتىن بولامىز!

بۇل QAZBILIM GROUP كومپانياسى باسقارماسىنىڭ رەسمي شەشىمى. ءبىز تولىق قاندى فورتە بانك قىزمەتىنەن باس تارتىپ، ۇستازدارىمىز بەن قىزمەتكەرلەرىمىزدىڭ جالاقىسىن رەسمي تۇردە باسقا بانككە اۋىستىرامىز!

فورتە بانككە بايكوت!

قازاق ءتىلىن قاجەت ەتپەيتىن بانكتى قازاق ەلى دە قەجەت ەتپەۋى قاجەت. بۇنى سوزبەن ەمەس، ىسپەن، ناقتى شەشىممەن كورسەتەمىز!

ءبىز مىڭداعان مەكتەپتەر فورتە بانكتەن باس تارتسا، ون مىڭداعان قولدانۋشىسىنان ايىرىلار ەدى. سوندا عانا بۇنداي استامسىعاندار ەسىن جيادى!

ال، ءبىز باس تارتتىق!

سىزدەردىڭ دە باس تارتقاندارىڭ ءجون كومپانيالار، مەكتەپتەر، ەمحانالار، كۇللى مەملەكەتتىك ورگاندار!

كىجىنىپ وتىرماي، ناقتى جاۋاپ بەرەيىك!،-دەدى ۇستاز. 

بۇل ماقالا تۋرالى نە ويلايسىز؟