ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ەۋرووداق ەلدەرى ۋكراين اسكەرىن بىرلەسىپ دايىندىقتان وتكىزۋگە كەلىستى

31 تامىز 2022 83
ەۋرووداق ەلدەرى ۋكراين اسكەرىن دايىندىقتان وتكىزۋ بويىنشا ارنايى ميسسيا قۇرۋ جونىندە كەلىستى. بۇل جونىندە ەۋرووداقتىڭ سىرتقى ساياسات جانە قاۋىپسىزدىك بويىنشا جوعارعى وكىلى جوزەپ بوررەل ەو قورعانىس مينيسترلەرىنىڭ رەسمي ەمەس كەزدەسۋىندە ايتتى. جيىن پراگادا ءوتىپ جاتىر.



ونىڭ سوزىنشە، ەو ۋكرايناعا ساربازدارىن دايىندىقتان وتكىزۋ بويىنشا كومەكتەسىپ كەلەدى. ءبىراق ولارعا جاقسى ۇيلەستىرۋ جۇمىستارىن ۇيرەتۋ كەرەك دەدى.

ارنايى ميسسيا قالاي جۇمىس ىستەيتىنىن جوزەپ بوررەل ناقتى ايتپادى. ءبىراق ۋكراين ساربازدارىن ەو-عا مۇشە كورشى ەلدەردە دايىندىقتان وتكىزەمىز ەدى.

پراگاداعى كەزدەسۋدە بوررەلدىڭ بۇل يدەياسىن ءبارى بىردەي قولدامادى. ليۋكسەمبۋرگتىڭ قورعانىس ءمينيسترى فرانسۋا باۋش بۇل يدەياعا كۇدىكپەن قارادى. ول بۇل ماسەلە ەكىجاقتى كەلىسسوزدە شەشىلۋى ءتيىس دەگەن. اۆستريا قورعانىس ءمينيسترى كلاۋديا تاننەر دە وسىنداي وي ايتقان.

بۇدان بولەك پراگاعا كەلگەن ەۋرووداقتىڭ سىرتقى ىستەر مينيسترلەرى رەسەي مەن بەلارۋس ازاماتتارىنا شەنگەن ۆيزاسىن شەكتەۋ جونىندەگى ماسەلەنى تالقىلاپ جاتىر. بالتىق ەلدەرى، پولشا جانە نيدەرلاند ۆيزا بەرۋگە تولىق تىيىم سالۋى كەرەك دەسە، گەرمانيا مەن فرانسيا جەڭىلدەتىلگەن ۆيزانى عانا الىپ تاستاۋ كەرەك دەيدى.



 
بۇل ماقالا تۋرالى نە ويلايسىز؟