ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ەركىن نۇرازحان، سۋرەتشى: قاڭتار وقيعاسىنا قاتىسى بار تۇلعالار جاۋاپقا تارتىلۋى كەرەك

31 مامىر 2022 69
ءقازىر «قاڭتار وقيعاسىنا» قاتىستى دۇنيەنىڭ ءبارى تەرگەپ-تەكسەرىپ جاتىر. سالدارىنان ماسىموۆتەن باستاپ، قايرات ساتىبالدىعا دەيىن تۇتقىندالدى. ءبىراق ەل-جۇرت ولاردىڭ جاي ەمەس، باي ادامدار دەپ ايتۋدا. ەگەر سولاردىڭ «قاڭتارداعى وقيعاعا»، سونىڭ ىشىندە بۇكىل دۇنيەنى قيراتۋعا توڭكەرىس ۇيىمداستىرۋعا قاتىسى بار بولسا، دالەلدەنسە، مەملەكەتكە كەلتىرگەن بۇكىل شىعىندى قالىپقا كەلتىرۋى ءتيىس.
ماسەلەن، ءاربىر ەلدى-مەكەندەردەگى ورتالىقتاردى، اكىمدىكتى، رەزيدەنسيانى جاردى، كۇل-تالقان ەتتى. ال ونىڭ ءبارى حالىقتىڭ دۇنيەسى. مىنە، سول بۇلىنگەن دۇنيەنى جوندەپ قالپىنا كەلتىرۋ ءۇشىن دە قانشا قاراجات كەرەك. سونىڭ ءبارىن مەملەكەتتىك بيۋدجەتتەن ەمەس، سول ميلليونەر مەن ميللياردەرلەردىڭ اقشاسىنا جوندەۋى ءتيىس. ەندى ولاردىڭ جاۋىپتى، جاۋاپسىزدىعىن زاڭدى ورىندارى شەشەر. مەنىكى تەك قۇر ۇسىنىس.
ءبىراق سول توڭكەرىس جاساۋعا بارىن سالىپ، ويران قىلعان توپتىڭ ارەكەتىنەن جازىقسىز ادامدار، پوليسيا قىزمەتكەرلەرى، بەيبىت شەرۋگە شىققاندار قانشاما ادام قازا بولدى. ەگەر مەملەكەتتىك توڭكەرىسكە ۇمتىلىس جاساعانداردىڭ قاندى ويرانى بولماعاندا جازىقسىز جاندار قۇربان بولماس ەدى.
ارينە، قاسىم جومارت توقايەۆ كوپ دۇنيەنى جايمەن، اقىرىن-اقىرىن تۇزەپ، رەتتەپ كەلەدى. جاساپ جاتقان وزگەرىستەرى دە دۇرىس-اق. تەك سول اتتەگەن-ايى 200-دەن استام ادام قازا بولعانى. ءبىراق پرەزيدەنتتىڭ ونداي شەشىم شىعارۋىنا وزدەرى يتەرمەلەدى. ويتكەنى «قاڭتار وقيعاسىنادا» قورعانىس ءمينيستىرى دە، ۇلتتىق قاۋىپسىزدىكتىڭ تاراپىنان ارەكەت بولماعان سوڭ، كەيبىر ماسەلەنى تۇبەگەيلى شەشىم شىعارۋعا تۋرا كەلدى.
وسىنىڭ ءبارى – حالىقتىڭ ماڭعىستاۋداعى نارازىلىعىنان باستالدى. وعان سەبەپ بولعان گازدىڭ قىمباتتاۋى، جاپپاي جۇمىسسىزدىق تا اسەر ەتتى. وسى جاعدايدىڭ بارلىعى 30 جىلدا كەمەلىنە جەتتى. حالىقتىڭ ماسەلەسىن كورە تۇرا، وسىنىڭ ءوز ەسەبىنە پايدالانۋ، ۇكىمەتتى باسىپ الماق بولۋى دۇرىس بولمادى. بارىنە ۋاقىت تورەشى. جاۋاپتىلار ءالى جازالانار.
،
بۇل ماقالا تۋرالى نە ويلايسىز؟