ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"ەركەكتى توبەسىنە كوتەرەتىن قوعام - مەشەۋ قوعام". بيشىمبايەۆ ىسىنە بايان الاگوزوۆا پىكىر ءبىلدىردى

11 مامىر 2024 1234

تانىمال پروديۋسەر بايان الاگوزوۆا مەن تيمۋر بالىمبەتوۆ وتباسىنداعى زورلىق-زومبىلىقتىڭ سەبەپتەرى مەن سالدارى تۋرالى وي ءبولىستى. سونىمەن قاتار، بيشىمبايەۆ ءىسىنىڭ قوعامعا، قوعامدىق ساناعا قالاي اسەر ەتكەنى جايلى تالقىلادى، دەپ حابارلايدى Alash.KZ ۇلتتىق پورتالى AIRAN YouTube ارناسىنا سىلتەمە كورسەتە وتىرىپ. 

بايان الاگوزوۆا بەرگەن سۇحباتىندا قازاقستاندىق قوعامنىڭ ساناسى "تولىق جەتىلمەگەنىن"،پاتريارحالدى تانىم-تۇسىنىكتىڭ باسىم ەكەنىن بايانداپ، ەركەكتى "توبەگە كوتەرۋدى" مەشەۋلىككە بالادى:

ەركەك نە ىستەسە دە، بيىك بولۋ كەرەك دەيدى. بۇل ءبىزدىڭ قوعامنىڭ مەشەۋلىگى، ساۋاتسىزدىعى. مەن جىلدار بويى بۇل ماسەلەمەن كۇرەسىپ كەلەمىن، -دەدى بايان الاگوزوۆا.  

سونىمەن قاتار، پروديۋسەر بيشىمبايەۆتىڭ قۋلىققا سالماق بولعانىن، حالىقتى ءوز شىندىعىنا يلاندىرۋدى جوسپارلاعانىن بايقاعانىن دا ايتىپ قالدى. 

ونىڭ ايىپتى بولعانى العاشقى ەمەس. ءبىرىنشى رەت تاعىلعان ايىپتان سىتىلىپ شىعىپ كەتتى. جولى بولدى. جولى بولعىش ادام. مەنىڭ ويىمشا، ول قوعام تاعى دا ونىڭ ءسوزىن سويلەيدى، ايتقانىنا ەرەدى دەپ ويلادى. راس، وندايدار بار. مەن ونىكى دۇرىس دەيتىندەردى دە بىلەمىن. ول ءبارىن ءوز شىندىعىنا ناندىرۋع تىرىسادى. سوتتاعى القابيلەردى دە ەسكەرۋىمىز كەرەك. اراسىندا بىر-ەكى ادامنىڭ ءوزى ونىڭ جاعىنا شىقسا، جازاسى دا جەڭىلدەيدى. ەگەر سوت جابىق بولسا، وسى بىلىقتىڭ ءبارى ىڭ-شىڭسىز ءوتىپ كەتەر مە ەدى؟ ءقازىر بۇل ءىستى بۇركەمەلەۋ مۇمكىن ەمەس، - دەدى بايان الاگوزوۆا.

 

 

بۇل ماقالا تۋرالى نە ويلايسىز؟