بۇل تۋرالى بريۋسسەلدە ءوتىپ جاتقان ءسامميتتىڭ ءتوراعاسى شارل ميشەل مالىمدەدى.
«ءبىز كەلىستىك! بۇل ۋكرايناعا سەنىمدى، ۇزاق مەرزىمدى جانە بولجامدى قارجىلاندىرۋدى قامتاماسىز ەتەدى» - دەپ جازدى X الەۋمەتتىك جەلىسىندە ەۋروپالىق كەڭەستىڭ باسشىسى ميشەل.
ۋكراينا پرەزيدەنتى ۆلاديمير زەلەنسكيي شارل ميشەلگە جانە ەو-نىڭ 27 كوشباسشىسىنا العىس ايتتى.
وسى ۋاقىتقا دەيىن بۋداپەشت كييەۆكە ۋادە ەتىلگەن اقشانى اۋدارۋعا كەدەرگى كەلتىردى. پرەمەر-مينيستر ۆيكتور وربان ءتورت جىلدىق «كومەك «باعدارلاماسى جىل سايىن قايتا قارالۋىن تالاپ ەتتى. ەو باسشىلارى ۋكرايناعا قاراجات ءبولۋ تۋرالى ۇنەمى پىكىرتالاس وتكىزۋگە كەلىستى. قاجەت بولعان جاعدايدا ەۋرو كەڭەسى ەكى جىلدان كەيىن قارجىلاندىرۋدى قايتا قاراۋ تۋرالى ۇسىنىسپەن ەۋروكوميسسياعا جۇگىنۋگە قۇقىلى.
