ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ەندى يمامدارعا الەۋمەتتىك جەلىلەردەن جارىسا سويلەۋگە تىيىم سالىنادى

05 ماۋسىم 2024 271

وزبەكستان مۇسىلماندارى باسقارماسى يمامداردىڭ الەۋمەتتىك جەلىلەرگە شىعىپ سويلەۋىن شەكتەپ، كەز كەلگەن جازباعا ءلۇپىل باسۋىنا تىيىم سالدى، دەپ جازادى Alash.KZ ۇلتتىق پورتالى inbusiness.kz سايتىنا سىلتەپ. 

مامىر ايىنىڭ سوڭىندا وزبەكستانداعى بارلىق مەشىتتەردىڭ يمامدارى تاشكەنت باس يمامىنىڭ كومەكشىسى ەرگاش رۋستاموۆتان اۋديو حابارلاما الدى. 

27 مامىردا تاراعان حابارلامادا "تاعى ءبىر تاپسىرما الەۋمەتتىك جەلىلەردە سويلەۋگە تىيىم سالۋعا قاتىستى"، "سونىمەن قاتار ونى وقىعاننان كەيىن الەۋمەتتىك جەلىلەردەگى كەز-كەلگەن پوستقا لايك قويۋعا تىيىم سالىنادى" دەلىنگەن. 

 بۇل اقپارات وزبەكستان مۇسىلماندارى ءدىني باسقارماسىندا راستالدى.

وزبەكستان رەسپۋبليكاسىنىڭ مينيسترلەر كابينەتى جانىنداعى ءدىن ىستەرى كوميتەتىنىڭ دەرەكتەرى بويىنشا 2021 جىلعى 1 تامىزداعى جاعداي بويىنشا ەلدە 16 كونفەسسيانىڭ 2285 ءدىني ۇيىمى جۇمىس ىستەيدى.

ولاردىڭ 2098ء-ى يسلامدىق ۇيىمدار، ال 188ء-ى باسقا ءدىني اعىمدارعا جاتادى.

وزبەكستان رەسپۋبليكاسىنىڭ كونستيتۋسياسىنا سايكەس ءدىن مەملەكەتتەن بولىنگەن. ءدىني ۇيىمدار مەن كونفەسسيالاردىڭ قىزمەتى وزبەكستان رەسپۋبليكاسىنىڭ "ار-وجدان بوستاندىعى جانە ءدىني ۇيىمدار تۋرالى" زاڭىمەن رەتتەلەدى.

بۇل ماقالا تۋرالى نە ويلايسىز؟