الماتىدا كامەلەتكە تولماعان قىزدى ءولتىرىپ، دەنەسىن ورتەپ جىبەرگەن ەكى ەر ادام ۇستالدى.
بۇل تۋرالى الماتى پوليسيا دەپارتامەنتىنىڭ باسپا ءسوز قىزمەتى حابارلادى.
«27 مامىردا 2005 جىلى تۋىلعان ازامات ە.-نىڭ اناسى جوعالىپ كەتۋ فاكتىسى بويىنشا المالى اۋدانىنىڭ پوليسيا باسقارماسىناحابارلاستى. ايەلدىڭ ايتۋىنشا، كامەلەتكە تولماعان قىز 24 مامىر كۇنى بەلگىسىز باعىتقا كەتىپ قالعان. ازامات ە.ء-نىڭ تۇرعان جەرىن انىقتاۋ ماقساتىندا ونىڭ جوعالىپ كەتۋىنە قاتىسى بولۋى مۇمكىن تۇلعالاردىڭ توبىن انىقتاعان جەدەل-تەرگەۋ توبى قۇرىلدى. بۇل الماتى وبلىسىنىڭ تۇرعىندارى 1992 جىلى تۋعان ازامات ك. جانە 2001 جىلى تۋعان ازامات ب. ۇستالدى» دەپ حابارلادى الماتى پوليسيا دەپارتامەنتىنىڭ (پد) باسپا ءسوز قىزمەتى.
ءتارتىپ ساقشىلارىنىڭ حابارلاۋىنشا، بويجەتكەن جوعالعان كۇنى اتالعان ادامداردى كوشەدە كەزدەستىرگەن.
«جەدەل ىزدەستىرۋ جانە ىزدەستىرۋ ءىس-شارالارى بارىسىندا كۇدىكتىلەر ازامات ە.-نى ولتىرگەنىن مويىنداپ، قاپشاعاي سۋ قويماسىنان الىس ەمەس جەردە ونىڭ دەنەسىنىڭ كومىلگەن جەرىن كورسەتتى. ءولىمنىڭ ناقتى سەبەبىن انىقتاۋ ءۇشىن سوت-مەديسينالىق ساراپتاما تاعايىندالدى. قىلمىستىڭ ءىزىن جاسىرماق بولعان كۇدىكتىلەر قىزدىڭ دەنەسىن ورتەپ جىبەرگەن. بۇل قىلمىستى ودان ءارى تەرگەۋدى اۋماقتىق قاعيداتقا سايكەس الماتى وبلىسى بويىنشا دپب جۇرگىزەتىن بولادى» دەپ قوستى پوليسيا.
دەرەككوز
