ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ديماشتىڭ كونسەرتى: بۋداپەشتكە 77 مەملەكەتتەن جانكۇيەر جينالدى

07 مامىر 2024 1962

4 مامىردا ديماشتىڭ 2024 جىلعى العاشقى جەكە كونسەرتى بۋداپەشتتە "Stranger" تۋرىنىڭ اياسىندا ءوتتى. 

ماجارستانداعى ەڭ ۇلكەن الاڭ – لاسلو پاپپ سپورتتىق ارەناسىندا انشلاگ. 77 ەلدەن كەلگەن ءانشىنىڭ جانكۇيەرلەرى Dears فاندومىنىڭ بىردەي فۋتبولكالارى، جيلەتتەرى، شارفتارى مەن باسقا دا ءتۇرلى-تۇستى اتريبۋتتارىمەن كوزگە كورىندى، دەپ حابارلايدى alash.kz dimashnews.com سايتىنا سىلتەمە جاساپ.

ديماشتىڭ رەپەرتۋارىنداعى اندەر ءار ەلدىڭ اۆتورلارىنىڭ شىعارمالارىنىڭ جيىنتىعى. ءار ەلدىڭ ونەرى توعىسقان كونسەرت، ارينە، ءارتۇرلى تىلدە سويلەيتىن ادامداردىڭ نازارىن اۋدارتاتىنى انىق.

شوۋ-باعدارلامادا ەۋروپالىق اۆتورلاردىڭ "GOLDEN" جانە "S.O.S D’UN TERRIEN EN DÉTRESSE"
ديماشتىڭ ۆوكالدىق جانە اكتەرلىك شەبەرلىگى بىرىكتىرىلگەن جۇڭگو جانە جاپون كومپوزيتورلارىنىڭ "BATTLE OF MEMORIES"، "JUST LET IT BE" ي "AUTUMN STRONG" اتتى شىعارمالارىمەن ورگانيكالىق تۇردە ۇيلەسەدى.

ديماشتىڭ گاسترولدىك ساپارىنىڭ باستى ماقساتتارىنىڭ ءبىرى – كورەرمەندەردى قازاقستاننىڭ ءداستۇرلى جانە زاماناۋي مادەنيەتىمەن تانىستىرۋ بولاتىن. وسى نەگىزدە، حالىق اندەرى "دۇرداراز" بەن "دايديداۋ" جانە "اداي" كۇيىمەن قاتار ساحنا تورىنەن بەلگىلى قازاقستاندىق اۆتورلاردىڭ اندەرى: ەدىلجان عابباسوۆتىڭ دجوردان اراكەلياننىڭ سوزىنە جازعان "FLY AWAY" ءانى، ايگۇل باجانوۆا مەن مۇنايدار بالمولدانىڭ "ماحابات بەر ماعان" ءانى جانە ديماشتىڭ ءىنىسى ءابىلمانسۇر قۇدايبەرگەننىڭ "TOGETHER" اتتى العاشقى كومپوزيسيالىق تۋىندىسى شىرقالدى.

ديماشتىڭ كەلەسى كونسەرتى 24 مامىردا ىستامبۇلدا ءانشىنىڭ 30 جىلدىعىندا وتەدى.

بۇل ماقالا تۋرالى نە ويلايسىز؟