ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

دياس نۇراقىن: "كومپەنساسيا ءۇشىن مال ولەكسەلەرىن تاستاماي وتىرعان اۋىلداردى اۋرۋ جايلاپ كەتۋى مۇمكىن"

03 ءساۋىر 2024 183
جۋرناليست، قوعام بەلسەندىسى دياس نۇراقىن "كوزبوياۋشىلىققا" جۇمىس ىستەپ ۇيرەنگەن اكىمدەردى سىنعا الدى. سونىمەن قاتار، قارعىن سۋدىڭ قاسىرەتىنەن كەيىن كوميسسيانى كۇتىپ، كومپەنساسيا الامىز دەپ وتىرعاندا اۋىلدى اۋرۋ جايلاپ كەتۋى مۇمكىن ەكەنىن جەتكىزدى. بۇل جايلى Alash.KZ ۇلتتىق پورتالى حابارلادى. 
پرەزيدەنت اقتوبە وبلىسىنا باراتىن سياقتى. ونىڭ ىشىندە تاسقىننان ەڭ كوپ زارداپ شەككەن ويىل اۋدانىنا تىكۇشاق باسىن بۇرادى دەگەن سىبىس جەتتى. سەبەبى ويىلدا بۇگىن ابىر-سابىر باستالىپ كەتىپتى. ءتىپتى تاسقىن باستالعالى بەرى اياق باسپاعان وبلىستاعى شەندى-شەكپەندىنىڭ ءبارى ويىلدا ءجۇر دەيدى. دەمەك توقايەۆ كەلەدى دەگەن ءسوز، - دەپ جازدى جۋرناليست.
قوعامدىق پروبلەمالارعا بەلسەندى تۇردە ءۇن قاتىپ وتىراتىن ازامات كەيىننەن اقتوبە وبلىسى، ويىل اۋدانىنداعى قيراپ قالعان اۋىلداردىڭ جاعدايىنا توقتالدى: 
ويىلداعى قيراپ قالعان اۋىلداردىڭ ءبىرى بەرسييەۆ. كولكىگەن سۋدا قالعان ەلدى-مەكەندەگى باسپانالاردىڭ 90 پايىزى تۇرۋعا جارامسىز. بۇل ازداي تورت-تۇلىك تە قىرىلعان. ءبىراق ءالى كۇنگە ولگەن مالدى تىزىمدەيتىن كوميسسيا كەلمەپتى. سوندىقتان حالىق ولەكسەلەرىن تاستاماي جيناپ وتىر ەكەن. ول يىستەنىپ، بۇزىلا باستاعان. كوميسسيانى كۇتىپ، كومپەنساسيا الامىز دەپ وتىرعاندا اۋىلدى اۋرۋ جايلاپ كەتۋى مۇمكىن. ەپيدەميانىڭ الدىن الۋ ءۇشىن تەزىرەك ولەكسەلەردى ورتەپ، كوزىن جويۋ كەرەك. ول ءۇشىن كوميسسيانىڭ جۇمىسىن جەدەلتكەن ابزال، - دەپ جازدى جۋرناليست.
رەتى كەلگەندە ايتا كەتەيىك، بۇگىن قاسىم-جومارت توقايەۆ شىۇ-عا مۇشە مەملەكەتتەردىڭ قاۋىپسىزدىك كەڭەستەرى حاتشىلارىمەن كەزدەستى. مەملەكەت باسشىس تاياۋدا كوپتەگەن بەيبىت تۇرعىننىڭ ءومىرىن جالماعان ماسكەۋ وبلىسىنداعى قايعىلى وقيعا لاڭكەستەردىڭ زورلىق-زومبىلىقتىڭ ەڭ قاتىگەز ءارى زۇلىم تاسىلدەرىن قولداناتىنىن اتاپ،تەررورلىق ارەكەتتى سىنعا الدى. 
بۇل ماقالا تۋرالى نە ويلايسىز؟