حالىقتىڭ تابىسىن ارتتىرۋ باعدارلاماسى 850 مىڭ بيۋدجەت قىزمەتكەرىن قامتىماق. ق ر پرەمەر-مينيسترىنىڭ ورىنباسارى ەرالى توعجانوۆتىڭ ايتۋىنشا، 2025 جىلعا دەيىن دارىگەرلەردىڭ جالاقىسى ايىنا 320-دان 531 مىڭ تەڭگەگە دەيىن وسەدى. جەدەل جاردەم قىزمەتكەرلەرىنىكى – 173-تەن 250 مىڭ تەڭگەگە دەيىن كوتەرىلمەك.
«سامۇرىق-قازىنا» قورى قىزمەتكەرلەرىنىڭ جالاقىسى دا كوتەرىلەدى.
«قوردىڭ ىشكى رەزەرۆىنەن قىزمەتكەرلەردىڭ كىرىسىن ارتتىرۋ بويىنشا جۇمىستار جالعاسادى. جىل سوڭىنا دەيىن تاعى ءتورت كومپانيادا وندىرىستىك قىزمەتكەرلەردىڭ جالاقىسى 5-تەن 18 پايىزعا دەيىن وسەدى» دەدى پرەمەر-مينيستردىڭ ورىنباسارى سەنات وتىرىسىندا.
سونداي-اق، ول 2022 جىلدىڭ ءساۋىر ايىنان باستاپ قور كومپانيالارى توبىنىڭ وندىرىستىك قىزمەتكەرلەرىنىڭ جالاقىسى 5-تەن 48 پايىزعا دەيىن وسكەنىن ايتتى. بۇل رەتتە اقىلى از قىزمەتتەرگە باسىمدىق بەرىلدى.
دەرەككوز
