ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

دانا نۇرجىگىت ءوزىنىڭ زورلىق-زومبىلىقتىڭ قۇربانى بولعانىن ايتتى

18 ماۋسىم 2024 8908

تەلەجۋرناليست دانا نۇرجىگىت وتباسىلىق زورلىق-زومبىلىقتىڭ قۇربانى بولعانىن ايتتى، دەپ حابارلايدى Alash.kz ۇلتتىق پورتالى Stan.kz سايتىنا سىلتەمە جاساپ. 

ول ءوز ينستاگرام پاراقشاسىنا جاريالاعان پوستىندا كۇيەۋىمەن اجىراسىپ جاتقانىن باياندادى.

“ايەلدەرگە قارسى زورلىق-زومبىلىق تاقىرىبى مەنى دە اينالىپ وتپەدى. جابىرلەنۋشىنىڭ ورنىندا بولىپ، سوت زالىندا تۇرامىن دەگەندى كىم بىلگەن؟! قيىندىق كىمدە جوق. مەن دە مويىماي، باستىسى دەنساۋلىعىم مەن جۇمىسىمنان ايىرماسىن” دەگەن ەدىم. الايدا مورالدىق-پسيحولوگيالىق قىسىم الدىمەن دەنساۋلىعىما كەرى اسەرىن تيگىزدى. سودان كەيىن تۆ-دا جۇمىس ىستەي المايتىن جاعدايعا جەتتىم. باسشىعا ءوزىم بارىپ، جۇمىستان كەتەتىنىمدى ايتتىم. ويتكەنى تۇسكە دەيىن تەرگەۋشىنىڭ الدىندا، تۇستەن كەيىن تىكەلەي ەفيردە جۇمىس ىستەۋگە جاراماي قالدىم”، – دەپ جازدى جۋرناليست.

ايتۋىنشا، ەكىنشى نەكەدەگى ازاماتتىڭ ۇستىنەن ارزى جازىپ، قىلمىستىق ءىس قوزعالعان. 

“ەكىنشى نەكەم بايانسىز بولىپ، توعىسپايتىن جەردەن م.ءا. ەسىمدى ازاماتپەن مامىلەگە كەلىپ، ادامشا ەكى جاققا كەتۋدىڭ ورنىنا ءىس ناسىرعا شاۋىپ، جابىق ەسىك جاعدايىنداعى سوت پروسەسىنە جەتتى. ءىس 10 ايعا سوزىلىپ، تەرگەۋ پروسەسىنەن ءوتتىم. سوڭعى نۇكتەسى 28 مامىردا قويىلدى. ۇكىم 13 ماۋسىم كۇنى كۇشىنە ەندى. ءىستىڭ ءمان-جايىن اشپاۋعا قولحات بەرىپ، ۋادەلەستىك. سول ءۇشىن ارتىق نارسە جازبايمىن. ءيا، زاڭدى تۇردە قورعانۋعا ءماجبۇر بولدىم. ءبىر شەشىمگە كەلەرمىز دەپ جۇرگەندە ءىستىڭ ارتى وسىنشا ۋاقىتتى الادى دەپ ويلاماپپىن. جۇمىس پەن ءۇيدىڭ، بالامنىڭ بەرەكەسى قاشتى. قارجىلىق شىعىن، جۇيكەنىڭ توزۋىن ايتپاي-اق قويايىن. بۇل وقيعا مەن ءۇشىن ۇلكەن ساباق بولدى. ءالىمنىڭ اكەسىنە دەيىن قولداپ، “ساق بول!” دەپ ماعان قورعان بولۋعا تىرىستى، جارىقتىق”، – دەيدى سەناتور. 

 

بۇل ماقالا تۋرالى نە ويلايسىز؟