ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"دالا قىراندارى" جىبەك جولى اۋىلىنىڭ تۇرعىندارىنا كومەككە كەلدى

11 ءساۋىر 2024 211

"دالا قىراندارى" جاستار قوعامدىق بىرلەستىگى جىبەك جولى اۋىلىنىڭ تۇرعىندارىنا كومەككە كەلدى.

10-ىنان 11ء-ىنشى ساۋىرگە قاراعان ءتۇنى "دالا قىراندارى" جاستار قوعامدىق بىرلەستىگىنىڭ وكىلدەرى جىبەك جولى ەلدىمەكەنىندەگى ءۇيىندى بوگەتتەردى نىعايتۋ جۇمىستارىن جۇرگىزدى.

اتاپ ايتقاندا، "استانا ارلان" كومانداسىندا ساپىنداعى WCB دۇنيەجۇزىلىك بوكس سەرياسىنىڭ الەم چەمپيونى مەيىربولات تويتوۆ جانە Qazaq kuresi اسسوسياسياسىنىڭ باس ديرەكتورى دامير بەكبوسىنوۆتىڭ باسشىلىعىمەن ۆياچەسلاۆ سۋ قويماسىنىڭ جانىنداعى جىبەك جولى كەنتىنە شۇعىل تۇردە جەتكەن "دالا قىراندارى" ءجقب-نىڭ بىرنەشە جاساعى ارىنى قاتتى اعىن سۋدى تەجەپ تۇرعان بوگەتتەردى نىعايتتى.

ەسكە سالساق، «دالا قىراندارى» جقب ناۋرىز ايىندا قوياندى اۋىلىنىڭ تۇرعىندارىنا كومەككە كەلگەن بولاتىن. ءبىزدىڭ قىراندار اۋلالاردى ەرىپ ۇلگەرمەگەن قاردان تازارتۋ ارقىلى جەرگىلىكتى تۇرعىنداردىڭ باسپانالارىنا قىزىل سۋدىڭ كىرۋىنە جول بەرمەدى. ال 3 ءساۋىر كۇنى ءبىز استاناداعى گۋمانيتارلىق كومەك جيناۋ نۇكتەسىنە كومەكتەستىك. بۇل جولى قاجەتتى زاتتاردى ساتىپ الۋعا كومەكتەسۋمەن بولەك، ءبىز قايىرىمدى ازاماتتار جىبەرگەن ازىق-تۇلىك جانە باسقا دا دۇنيەلەردى سول جەردە تۇگەندەپ، ولاردى ەلىمىزدىڭ سۋ باسقان اۋداندارىنا ودان ءارى تاسىمالداۋ ءۇشىن كولىكتەرگە تيەدىك. وسى اپتادا تايتوبە اۋىلىنا ساياحات ۇيىمداستىرىپ، وندا دا بوگەتتەرىن بەكىتتىك.

بۇل ماقالا تۋرالى نە ويلايسىز؟