ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"بيشىمبايەۆتىڭ قاتەلىگى - ءوز تەلەفونىنىڭ ءقۇپياسوزىن ايتقانى". ەلگە تانىمال پروكۋرور تىڭ سۇحبات بەرىپ، سىر ءبولىستى

15 مامىر 2024 735

سالتانات نۇكەنوۆانى ءولتىرۋ تۋرالى سوت ىسىنەن كەيىن قازاقستاندىقتارعا بەلگىلى بولعان پروكۋرور ايجان ايماعانوۆا باق-قا سۇحبات بەردى. سۇحبات بارىسىندا ءوز ومىرىنە قاتىستى ماڭىزدى دەرەكتەردى تارقاتا ايتىپ، سوت پروسەسىندەگى نەگىزگى كەزەڭدەردى تالدادى. قۋاندىق بيشىمبايەۆتىڭ سوت وتىرىسىندا جىبەرگەن قاتەلىگى جايلى پىكىر ءبىردىرىپ، ەلىمىزدەگى قۇقىقتىق ساۋات جايىن باياندادى، دەپ حابارلايدى Alash.KZ ۇلتتىق پورتالى Tengrinews.kz رەداكسياسىنا سىلتەمە كورسەتە وتىرىپ.

ايجان ايماعانوۆا سۇحباتتا ءوزىنىڭ جەكە ومىرىنە، وتباسىنا، بالالىق جاعى مەن اتا-اناسىنىڭ بەرگەن تاربيەسىنە توقتالدى: 

اتا-اناما مىڭ تاعزىم. ولارعا بار قيىندىقتارعا قاراماستان بىزگە جاقسى تاربيە،  كەيىنگى ومىرىمىزدە پايدالى ازىق بولاتىن قۇندىلىقتاردى بەرە العانى ءۇشىن ريزامىن، - دەدى ول.

وتباسىلىق جاعدايى جايلى دا سىر شەرتىپ، جولداسىنىڭ تاراپىنان ۇنەمى قولدان كورەتىنىن، جىلىلىق سەزىنەتىنىن باسا ايتتى:  

يا، مەن تۇرمىستامىن. مەنىڭ وتباسىم بار. ءۇش بالام بار. ەكى قىزى بەن ۇل. بالالار ءالى كىشكەنتاي، ولار مۇنداي قۇبىلىستاردى تۇسىنبەيدى. جۇبايىم مەنى ۇنەمى قولدايدى. ولاردىڭ جانىنان كوپ تابىلا الماسام دا، دەمالىس كۇنى ولقىلىقتىڭ ورنىن تولتىرۋعا تىرىسامىن. وتباسىمىزداعى تاتۋلىق پەن بەرەكە بارىمىزگە بايلانىستى. ءبىز وعان اسا جاۋاپكەرشىلىكپەن قارايمىز، - دەپ سۇحبات بەردى ايجان ايماعانوۆا.

سونىمەن قاتار، پروكۋرو ءوزىنىڭ ومىرىنە ساۋلە تۇسىرگەن ابايدىڭ "قارا سوزدەرى" ەكەنىن ايتتى:

مەن 16 جاسىمدا مەكتەپ ءبىتىردىم. انام ابايدىڭ "قارا سوزدەرىن" سىيعا تارتتى. "ايجان، ساعان قيىن بولعان كەزدە، مۇڭايعان كەزدە، مۇمكىن، ءىشتارلىقتى قۇشتارلىققا الماستىرۋ  ءۇشىن ابايعا جۇگىنىپ، ابايدى وقى"،- دەدى. 16-18 جاسىمدا ول ەڭبەكتى تۇسىنە قويمادىم. ارينە، وقۋىن وقىدىم. ءبىراق باستاپقىدا تەرەڭ تانىم، كەڭ تۇسىنىك بولعان جوق. كەيىن بارىپ "قارا سوزدەردىڭ" ءقادىرىن ۇعىندىم.ءقازىر مەن بۇل ەڭبەككە ۇدايى يەك ارتىپ وتىرامىن.

كەيىننەن اڭگىمە سالتانات نۇكەنوۆانىڭ ولىمىنە قاتىستى ىسكە ويىستى. "پروسەستەگى بەتبۇرىس قاي ءسات بولدى؟" دەگەن ساۋالعا ول: 

مەنىڭ ويىمشا، بيشىمبايەۆتىڭ ءوز تەلەفونى ءپارولىن بەرگەن كەزى. مىنە، بۇل بەينەلەر سوت وتىرىسى بارىسىندا زەرتتەلدى. بۇل كۇتپەگەن بەتبۇرىس بولدى. بۇل ايىپتاۋدى كۇشەيتتى، - دەدى ول. 

سونىمەن قاتار، ايدان سوتتاعى بيشىمبايەۆتىڭ قاتەلىگىنە توقتالىپ، جاعدايدى جان-جاقتى تالداپ بەردى:

- ونىڭ ولىمگە اكەلەتىن قاتەلىگى بىزگە تەلەفون ءقۇپياسوزىن ايتقانىندا. بارلىق  بەينەلەر انىقتالدى. ول ءار مينۋت سايىن 27 كادر تۇسىرگەن... مەنىڭ ويىمشا، سول ساتىندە قاتتى ماس بولعان. ءتىپتى، بۇل بەينەكادرلاردى تۇسىرگەنىن ۇمىتىپ قالعان سىڭايلى،- دەدى پروكۋرور.

ەسكە سالا كەتەيىك،ايەلىن ۇرىپ ءولتىردى دەپ ايىپتالىپ وتىرعان ەكس-مينيستر قۋاندىق بيشىمبايەۆقا سوت ۇكىمى شىقتى.

"2024 جىلى 13 مامىردا ساعات 17:00-دە استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا بيشىمبايەۆ پەن بايجانوۆقا قاتىستى قىلمىستىق ءىس بويىنشا ۇكىم جاريالاندى"، - دەپ حابارلادى جوعارعى سوت.

بيشىمبايەۆ تاعىلعان ايىپ بويىنشا، ەكس-مينيستر 24 جىلعا باس بوستاندىعىنان ايىرىلدى. ال بايجانوۆ سوت ۇكىمىمەن ول 4 جىلعا سوتتالدى.

بۇل ماقالا تۋرالى نە ويلايسىز؟