ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بيشىمبايەۆتىڭ بۇرىنعى ايەلى سوت شەشىمىنە قاتىستى پىكىرىن ايتتى

14 مامىر 2024 348

سالتانات نۇكەنوۆانى ءولتىردى دەپ سوتتالعان قۋاندىق بيشىمبايەۆتىڭ بۇرىنعى ايەلى نازىم قاھارمان سوت ۇكىمىنە قاتىستى پىكىر ءبىلدىردى، - دەپ حابارلايدى Alash.kz Tengrinews.kz سايتىنا سىلتەپ.

نازىم وسى ۋاقىت ىشىندە وزىنە دە، بالالارىنا دا وتە قيىن بولعانىن مويىندادى.

"ءبىر جاعىنان ايەل رەتىندە، وسى ەلدىڭ ازاماتى رەتىندە اشىق سوتتى قولدادىم، ويتكەنى بۇل پروسەستى قوعامنىڭ ساۋىعۋى مەن تەراپياسىنا قادام رەتىندە قابىلدايمىن. ەكىنشى جاعىنان، سوت بالالار مەن ماعان كۇيزەلىس بولىپ ءتيدى، ويتكەنى وندا ادامشوشىرلىق ءمان-جايلار بەلگىلى بولدى. بالالار مۇنى قابىلداپ، ءارى قاراي دا ءومىر ءسۇرۋى كەرەك. الەمدەگى بىردە-بىر بالاعا مۇنى تىلەمەيمىن. سوندىقتان ءبارى اياقتالعانىنا جەڭىلدەپ قالدىق"، - دەدى نازىم قاھارمان.

قۋاندىق بيشىمبايەۆانىڭ بۇرىنعى ايەلى نۇكەنوۆتار وتباسىنا تاعى دا كوڭىل ايتتى.

"مەنىڭ ويىمشا، القابيلەر سوتى ءىستىڭ بارلىق اشىق جانە جابىق ماتەريالىن قاراپ، سانالى جانە دۇرىس شەشىم قابىلدادى"، - دەدى ول.

ايتا كەتەيىك، نازىم كاھارمان قۋاندىق بيشىمبايەۆپەن 14 جىل رەسمي نەكەدە بولعان، ولاردىڭ ءۇش بالاسى بار. ەرلى-زايىپتى 2020 جىلى، ەكس-مينيستر بۇرىنعى قىلمىستىق ءىسى بويىنشا كولونيادان بوساعاننان كەيىن ءبىر جىل وتكەن سوڭ اجىراسقان.

بۇل ماقالا تۋرالى نە ويلايسىز؟