ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"بيشىمبايەۆ ادامگەرشىلىك جاعىنان - ءنول!". نازىم قاھارمان بيشىمبايەۆتىڭ "ءولىمى" جايلى حابارلادى

11 مامىر 2024 1363

بيشىمبايەۆتىڭ بۇرىنعى ايەلى نازىم قاھارمان بۇقارالىق اقپارات قۇرالىنا سۇحبات بەردى. ءوز سۇحباتىندا ول «ءبىز ءۇشىن قۋاندىق ءولدى» دەپ توقەتەرىن ايتتى، دەپ حابارلايدى Alash.KZ ۇلتتىق پورتالى.

نازىم قاھارمان بۇقارالىق اقپارات قۇرالىنا سۇحبات بەردى. ءوز سۇحباتىندا ءمينيستردىڭ، كەيىننەن "زەكتىڭ ايەلى" بولعانداعى كەشكەن سەزىمدەرى مەن قيىندىعى جايلى ايتتى.بالالاردىڭ اكەسى قۋاندىقتان قالاي كوڭىلى سۋىپ قالعانىن حابارلادى:

ونىڭ ۇستىنە قۋاندىقتىڭ جاسى 42-دە، ول اقىل توقتاتقان شىعار، ءبارىن تۇسىنگەن شىعار دەپ ويلادىم. ماۋسىمدا (2023) بالالار شىمكەنتكە بارعان. قايتىپ كەلگەندە، اۋەجايدان كۇتىپ الدىم، سول كەزدە ۇشەۋى ماعان: “ماما، سەن دۇرىس شەشىم قابىلداپسىڭ، اجىراسقانىڭ دۇرىس بولىپتى” دەدى. جاڭا جىلدىڭ وتىرىستا ۇستەلدى توڭكەرگەن، شىمكەنتتە دە داۋ-داماي بولعان، وسىنىڭ ءبارىن كورگەن بالالاردىڭ كوڭىلى سۋىپ قالدى. اكەلەرىمەن كەزدەسۋگە قۇلىقتى بولماي، ترەنيروۆكام بار، زانياتيام بار دەپ ارنەنى سىلتاۋراتىپ ءجۇردى، - دەدى نازىم قاھارمان. 

Cونىمەن قاتار، نازىم قاھارمان بۇرىنعى جۇبايى بيشىمبايەۆتىڭ ءبىر كۇننىڭ ىشىندە ابيۋزەرگە اينالماعانىن، ۋاقىت وتە كەلە ورشەلەنە تۇسكەنىن مالىمدەدى: 

- ماعان “14 جىل وسىنداي اداممەن بىرگە تۇرىپ، 3 بالا تۋىپ بەردىڭىز، نەگە ەرتەرەك كەتىپ قالمادىڭىز” دەپ سۇراق قويعاندار بولدى. قۋاندىق ۇيلەنگەن بويدا وسىنداي بولعان جوق. بەس جىلدان كەيىن وزگەرە باستادى. ابيۋزەر دەگەن بىردەن كورىنبەيدى. اشۋلانسا، زاتتاردى لاقتىرۋدى شىعاردى. مەن ول كەزدە ەكىنشى بالامدى بوسانعان كەزىم. بالالارىمدى الىپ قويام دەپ قورقىتتى. مەن كونىپ جۇرە بەردىم. ونداي ادامدار سەنىڭ ءوزىڭدى كىنالى ەتىپ قويادى. سونىمەن دە بىرنەشە جىل وتە شىقتى. سودان مەن ترەنينگتەرگە قاتىسىپ، كىتاپتار وقىپ،ءبىلىم جينادىم. اجىراسۋ كەرەك دەگەن شەشىمگە كەلدىم. ول 14 جىل بويى ابيۋزەر بولدى دەپ ايتا المايمىن. سوڭعى 7-9 جىل، مۇمكىن. اسىرەسە، مينيستر بولعاننان كەيىن قاتتى وزگەردى. ىدىس-اياق سىلدىرلاماي تۇرمايدى، ونداي ءار وتباسىندا بولادى. ءبىراق ءبىزدىڭ وتباسىمىزدا ۇرىس-جانجالعا تەك مەن عانا كىنالى بولىپ شىعاتىنمىن. سەبەبى ولار (ابيۋزەرلەر) جاۋاپكەرشىلىكتى مويىندارىنا المايدى. مەن سول ءۇشىن ءوزىمدى رۋحاني دامىتام دەپ قانشا كىتاپ وقىدىم، ترەنينگكە باردىم، ادەمى بولىپ جۇرۋگە تىرىستىم. سويتسەم پروبلەما مەندە ەمەس ەكەن. مەندە ءبارى دۇرىس ەكەن. ەندى مۇنى كەيىن ءتۇسىندىم عوي. 2014-2017 جىلدارى ول قاتتى سترەسستە ءجۇردى. ۇيات بولادى دەگەن ءسوز وعان جۇرمەيتىن. ادامداردىڭ كوزىنشە ايقايلاي سالاتىن، ءبىر زاتتى لاقتىرىپ جىبەرەتىن. ءيا، سول جىلدارى ول ۇيدە دە، جۇمىستا دا اينالاسىن سترەسستە ۇستادى.

مۇنىمەن قوسا، نازىم قاھارمان Ulysmedia.kz پورتالىنا بەرگەن سۇحباتىندا بيشىمبايەۆتىڭ جاقسى مامان رەتىندە ستراتەگيالىق تۇرعىدان ۇيرەتەرى كوپ بولسا دا،  ادامگەرشىلىك جاعىنان ول كىسى “ءنول” بولعانىن قاداپ ايتتى. 

بۇل ماقالا تۋرالى نە ويلايسىز؟