ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

“بۇزاقىلىق” بابى بويىنشا سوتتالىپ، تۇرمەدە دەرتى اسقىنىپ قازا تاپقان تۇرعىندى سوت كىنالى دەپ تاپتى

06 ماۋسىم 2024 225

شىمكەنت سوتى اباقتىدا اۋىرىپ،قايتىس بولعان تۇرعىنعا قاتىستى ۇكىم شىعاردى، دەپ حابارلايدى Alash.kz ۇلتتىق پورتالى ازاتتىق راديوسىنا سىلتەمە جاساپ.

سوت مارقۇم بەيبارىس سۇلەيمەندى "قارۋدى، ءوق-دارىنى، جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ"، "بۇزاقىلىق"، "وزىنشە بيلىك ەتۋ" باپتارى بويىنشا ايىپتى دەپ تانىدى. 

ايىپتالۋشىنىڭ قايتىس بولۋىنا بايلانىستى سوت ونى قىلمىستىق جاۋاپكەرشىلىكتەن بوساتتى. مارقۇمنىڭ تۋىستارى سوت ۇكىمىنە كەلىسپەيدى.

سۇلەيمەنمەن بىرگە قاماۋعا الىنعان بەس ادام ۇشەۋى شارتتى جازا الدى، سوت قالعان ەكى ادامدى باس ەركىندىگىنەن ايىرۋعا ۇكىم ەتتى.

اتا-اناسى تەرگەۋ ورگاندارىن بەيبارىستى "ازاپتادى، ۋاقىتىلى ءدارى بەرمەدى" دەپ كىنالاعان. قىلمىستىق اتقارۋ جۇيەسى دەپارتامەنتى تۇتقىندى ازاپتاۋ تۋرالى ايىپتاردى جوققا شىعارعان.

 

 

بۇل ماقالا تۋرالى نە ويلايسىز؟