ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بۇۇ باس حاتشىسى كييەۆتە جۇرگەندە قالاعا شابۋىل جاسالدى

29 ءساۋىر 2022 158
[ad_1]



بۇۇ باس حاتشىسى انتونيۋ گۋتەرريش كييەۆتە جۇرگەن ۋاقىتتا ۋكراين استاناسىنا بىرنەشە زىمىران قۇلادى. ۋكراينا بيلىگىنىڭ ايتۋىنشا، قالاعا رەسەي زىمىراندارى تۇسكەن. التى ادامنىڭ زارداپ شەككەنى ايتىلادى.

بۇۇ باس حاتشىسىنىڭ ساپارىنداعى نەگىزگى ماسەلە – ۋكراينانىڭ ماريۋپول قالاسىنداعى ازاماتتاردى ەۆاكۋاسيالاۋ ءىسىن ۇيىمداستىرۋ.

ۋكراينا پرەزيدەنتى كەڭسەسىنىڭ كەڭەسشىسى ميحايل پودولياك بۇۇ حاتشىسى كەزىندە جاسالعان شابۋىل تۋرالى مىناداي پىكىر ءبىلدىردى:

"انتونيۋ گۋتتەريشتىڭ رەسمي ساپارى كەزىندە كييەۆتى زىمىرانمەن اتقىلاۋ. ءبىر كۇن بۇرىن ول كرەملدە ۇزىن ۇستەلدىڭ باسىندا وتىر ەدى، بۇگىن ودان ءبىر شاقىرىم جەردە جارىلىس بولدى. ماسكەۋدىڭ سالەمى مە؟ رەسەي بۇۇ قاۋىپسىزدىك كەڭەسىندەگى ورنىن قالاي ساقتاپ وتىرعانىن ەسكە سالىڭىزدارشى؟".

بۇۇ باس حاتشىسى انتونيۋ گۋتەرريشتىڭ ۋكرايناعا ساپارىندا ماريۋپول قالاسىنىڭ بەيبىت تۇرعىندارىن ەۆاكۋاسيالاۋ ماسەلەسى ءسوز بولدى.

كييەۆتە ۋكراينا پرەزيدەنتى ۆلاديمير زەلەنسكييمەن بىرگە وتكىزگەن باسپا ءسوز كونفەرەنسياسىندا گۋتەرريش ماريۋپولدە ورىس اسكەرىنىڭ قورشاۋىندا قالعان "ازوۆستال" زاۋىتىنداعى ادامداردى قۇتقارۋ ءۇشىن بار كۇشىن سالاتىنىن مالىمدەدى. ول بەيبىت تۇرعىنداردى ەۆاكۋاسيالاۋ جونىندەگى كەلىسسوزدەردىڭ ءمان-جايىن جاريالامادى، ويتكەنى ونىڭ ءۇزىلىپ كەتۋىنەن سەسكەنەدى. دەگەنمەن گۋتەرريش ماسكەۋگە ساپارىندا رەسەي پرەزيدەنتى ۆلاديمير پۋتين بەيبىت تۇرعىنداردى زاۋىتتان شىعارۋعا بۇۇ مەن قىسىل كرەست ۇيىمدارىن قاتىستىرۋعا كەلىسىم بەردى دەپ مالىمدەدى.

الايدا كرەملدىڭ باسپا ءسوز حاتشىسى دميتريي پەسكوۆ "ازوۆستال" زاۋىتىنداعى ادامداردى ەۆاكۋاسيالاۋ جونىندەگى كەلىسسوزدى جوققا شىعارىپ وتىر.

"ازوۆستال" زاۋىتى - ماريۋپول قالاسىندا ورىس باسقىنشىلىعىنا قارسى كۇرەسىن توقتاتپاعان سوڭعى اتىس وشاعى. قالادا ۇرىس باستالعانىنا ەكى بولدى. ءىرى زاۋىت عيماراتىنا قارۋلى جاۋىنگەرلەر، بىرنەشە ءجۇز جارالى ادام، سونىمەن بىرگە بەيبىت تۇرعىندار باس ساۋعالاپ وتىر. ۋكراينا زاۋىتتاعىلاردى كييەۆ باقىلاۋىنداعى اۋماقتارعا ەۆاكۋاسيالاۋدى تالاپ ەتسە، رەسەي بيلىگى اسكەريلەردىڭ بەرىلگەنىن، ال بەيبىت تۇرعىنداردىڭ ورىس اسكەرى باقىلاۋىنداعى اۋماقتارعا ءوتۋىن قالايدى.

گۋتەرريش ۋكرايناعا ساپارى كەزىندە كييەۆ تۇبىندەگى بۋچا، يرپەن جانە بوروديانكا قالالارىن دا ارالادى. مۇندا كوپتەگەن بەيبىت تۇرعىن وپات بولعان. ول رەسەي كۇشتەرىنىڭ اسكەري قىلمىستارى حالىقارالىق قىلمىستىق سوتتا قارالعانىن قولدادى. بۇۇ باس حاتشىسى رەسەي ارەكەتىن سىناپ، ۋكراينانىڭ تۇتاستىعىن جاقتادى.





[ad_2]

دەرەككوز
بۇل ماقالا تۋرالى نە ويلايسىز؟