ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بۇرىنعى ۋاقىت بەلدەۋىنە ورالۋ: پەتيسياعا 32،5 مىڭنان اسا ادام قول قويدى

24 مامىر 2024 267
بۇرىنعى ۋاقىت بەلدەۋىنە ورالۋ تۋرالى پەتيسياعا 32،5 مىڭنان اسا ادام قول قويدى، - دەپ حابارلايدى Alash.kz.

ەسكە سالايىق، 1 ناۋرىزدا 15 ءوڭىر UTC +5 ۋاقىت بەلدەۋىنە اۋىسىپ، باتىس ايماقپەن بىردەي بولعان ەدى.

بۇل جاڭاشىلدىق قوعامدا قىزۋ تالقىعا تۇسكەن ەدى. پەتيسيا اۆتورىنىڭ سوزىنشە، قازاقستاندا ۋاقىت بەلدەۋىنىڭ اۋىسۋىنا بايلانىستى بىرنەشە پروبلەما تۋىنداپ ۇلگەرگەن.

«01.04.2024 جىلعى جاعداي بويىنشا، ەلەكتر ەنەرگياسىن تۇتىنۋ ءۇشىن ورتاشا چەك شامامەن 17 000 تەڭگە بولدى. دەمەك ۋاقىت بەلدەۋىنىڭ اۋىسۋى شىعىندى كوبەيتەيىن دەپ تۇر، اسىرەسە كۇز-قىس مەزگىلىندە. قاراڭعى كەش تۇسەتىندىكتەن حالىق جارىقتى كوبىرەك قولدانا باستايدى، ال بۇل ەلەكتر ەنەرگياسىن تۇتىنۋدىڭ وسۋىنە جانە سايكەسىنشە قوسىمشا شىعىندارعا اكەلەدى»، - دەيدى پەتيسيا اۆتورى.

تاعى ءبىر پروبلەما - ادامداردا شارشاۋ باسىم بولىپ، ادامنىڭ ءونىمدى بولا ءتۇسۋى تومەندەپ، ادامنىڭ ءبيوريتمى مەن جۇمىس، وقۋ جانە دەمالۋ كەستەلەرىنىڭ سايكەس كەلمەۋى سالدارىنان ۇيقى ساپاسى ناشارلاپ، تۇرعىنداردىڭ فيزيكالىق جانە پسيحولوگيالىق تۇرعىداعى جايسىزدىعى كوبەيە باستايدى. ⠀

«مەملەكەتكە ماڭىزدىسى نە: كاسىپكەرلەردەن مەملەكەت قازىناسىنا رۇقسات ەتىلمەگەن سالىق ارقىلى تۇسەتىن اقشا ما، الدە حالىقتىڭ دەنساۋلىعى ما؟ قازاقستان تۇرعىندارى ۋاقىت بەلدەۋىنىڭ اۋىسۋىنان باس تارتۋدى سۇرايمىز»، - دەيدى قازاقستاندىقتار.

بيلىك تە «ۋاقىت بەلدەۋىن اۋىستىرۋدا اسىعىستىق تانىتىپ جىبەرگەن جوقپىز با؟» دەپ ويلانا باستاعانداي. ساۋدا جانە ينتەگراسيا ءمينيسترى ارمان شاققالييەۆ پەتيسيا قاجەت كولەمدەگى قول جينالعاننان كەيىن قاراستىرىلاتىنىن ايتتى.

بۇل ماقالا تۋرالى نە ويلايسىز؟