ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بۇرىنعى كۇيەۋىم تىنىشتىق بەرمەيدى - اقتاۋلىق كەلىنشەك كومەك سۇرادى

09 مامىر 2024 1709

بۇرىنعى كۇيەۋى اڭدىپ جۇرگەنىن ايتقان اقتاۋلىق ارايلىم الىبايەۆا الەۋمەتتىك جەلىگە ءوز ءوتىنىشىن ايتتى.بۇل تۋرالى Alash.kz Stan.kz سايتىنا سىلتەمە جاساپ حابارلايدى. 

13 جىل كۇيەۋىمەن نەكەدە بولعان. وسى جىل ىشىندە ول بىرنەشە رەت جۇبايىنىڭ سوققىسىنا ءتۇسىپ، تۇرمىستىق زورلىق-زومبىلىق، ەموسيونالدى، ەكونوميكالىق قىسىمعا ۇشىراعان. مۇنداي قورلىققا شىداماي، 29 اقپاندا كۇيەۋىنەن قاشىپ، بولەك پاتەر جالداعان. 

“ول ۇنەمى ۇرىپ-سوعىپ، سالدارىنان ەسىمدى جوعالتاتىنمىن. ۇستىمە سۋ قۇياتىن، ءومىرىمنىڭ ءبارى كوز الدىمنان ءوتتى. بالالار دا كۋا، كەنجە بالام ابدەن قورقىپ، شىمىلدىقتىڭ ارتىنا تىعىلاتىن”، – دەيدى كەلىنشەك. 

بولەك كەتسە، دە كۇيەۋى وعان مازا بەرمەگەن كورىنەدى. بارلىق جەردە بۇعاتتاسا دا، Kaspi ارقىلى از اقشا اۋدارعانداي بوپ “مەنىمەن تىلدەس”، “ءبارىبىر دە كەزدەسەمىز” دەگەن حابارلامالار جىبەرەدى دەيدى.

5 ناۋرىزدا بۇرىنعى كۇيەۋىنەن قورعاۋ ءتارتىبى تۋرالى بۇيرىق شىققان. الايدا ەر ادام بۇل بۇيرىقتى بىرنەشە رەت بۇزىپتى. 6 ناۋرىزدا حابارلامالار جازىپ، ال 9 ناۋرىزدا ايەلدىڭ كولىگىنىڭ تەرەزەسىن سىندىرعان.

“ول بىرنەشە رەت قاۋىپسىزدىگىمدى بۇزدى. ءبىراق ماڭعىستاۋ وبلىستىق قۇقىق قورعاۋ ورگاندارىندا تانىستارى بار. پوليسەيلەر قورعاۋ ءتارتىبى بۇيرىعىن بۇزۋىنا قاتىستى ءىستى قوزعاعان دا، قايتادان قىسقارتىپ تاستاعان. نەگە ەكەنى بەلگىسىز. ماڭعىستاۋ وبلىستىق پروكۋراتۋراسى مۇنى زاڭسىز دەپ تانىدى”، – دەيدى ارايلىم.

1 ساۋىردە سوت ەر ادام ۇساق بۇزاقىلىق جاساعانى ءۇشىن اكىمشىلىك ايىپپۇل سالدى. دەسە دە قورعاۋ ءتارتىبىن بۇزعانعا قاتىستى اكىمشىلىك ءىس قوزعالماپتى. 9 مامىردا ءىستىڭ مەرزىمى وتەدى. 

امالى تاۋسىلعان ايەل “نەمولچي” قورىنا جۇگىنىپتى.

بۇل ماقالا تۋرالى نە ويلايسىز؟