ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بۇرىنعى جىگىتى بويجەتكەندى جۇمىس ورنىندا باۋىزداعان: قىز ادىلدىك ىزدەۋدە

09 مامىر 2024 493

بۇرىنعى جىگىتى ادينا ەسىمدى قىزدىڭ جۇمىس ورنىنا بارىپ، كەڭسە پىشاعىمەن باۋىزداعان، دەپ حابارلايدى نەمولچي.كز» تۇرمىستىق زورلىق-زومبىلىق قۇرباندارىن قولداۋمەن اينالىساتىن فوند. 

ەندى كۇدىكتى قىزدىڭ ءوزىن كىنالى ەتىپ ءوتىنىش جازىپ جاتىر. ەگەر ءوتىنىش قابىلدانسا، ءقاۋىپتى قىلمىسكەر جازادان سىتىلىپ كەتپەك.

ادينا جىگىتى وزىنە قول كوتەرىپ باستاعان سوڭ ارا قاتىناستى توقتاتقان. بۇنىمەن قالماعان جىگىت ونى جۇمىس ورنىنا ىزدەپ كەپ، كەڭسە پىشاعىمەن تاماعىن كەسكەن. جابىرلەنۋشى ارىپتەستەرىنىڭ اراشالاۋىنىڭ ارقاسىندا ولىمنەن امان قالعان.

رەانيماسيادان ەندى عانا پالاتاعا شىققان ادينانى پوليسيا قىزمەتكەرلەرى تەرگەۋگە الىپ كەتكەن. ءسويتىپ باستاپقىدا ءىستى الاياقتىق بابىمەن قاراعان. كەيىن قوعامدا شۋ شىققان سوڭ عانا ادام ولتىرۋگە وقتالۋ بابىنا اۋىستىرعان.

ءبىراق وكىنىشكە قاراي سوت بارىسىندا ايىپتالۋشى تاراپ بۇل وقيعاعا ادينانىڭ ءوزىن كىنالى ەتىپ كورسەتۋگە تىرىسىپ باعۋدا. ءقازىر ايىپتالۋشىنىڭ ادۆوكاتتارى ءىستى قايتادان الاياقتىق بابىنا اۋىستىرۋعا ءوتىنىش بەرگەن.

 

بۇل ماقالا تۋرالى نە ويلايسىز؟