ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"بۇل سۇحبات بىزگە وتە كۇماندى بولىپ كورىنەدى": قازاقستان ءسىم-ى زەلەنسكييدىڭ سۇحباتىنا قاتىستى مالىمدەمە جاسادى

03 ماۋسىم 2024 604

قازاقستان سىرتقى ىستەر مينيسترلىگىنىڭ رەسمي وكىلى ايبەك سمادياروۆ ۋكراينا پرەزيدەنتى ۆلاديمير زەلەنسكييدىڭ ورتالىق ازيادان كەلگەن جۋرناليستەرگە بەرگەن سۇحباتىنا قاتىستى مالىمدەمە جاسادى، دەپ حابارلايدى Alash.kz سايتى  Azattyq Rýhy-نا سىلتەپ.

«سىرتقى ىستەر مينيسترلىگىنىڭ باسپا ءسوز حاتشىسى رەتىندە مەن ۋكراينا باسشىلىعىنىڭ سۇحباتىنا تۇسىنىكتەمە بەرگىم كەلمەيدى. ءبىراق ءبىز مۇنى نازاردان تىس قالدىرا المايمىز. ۋكراينالىق تاراپ بۇل جوباعا ءوز بەتىنشە باستاماشىلىق جاساپ، قازاقستاننىڭ ءبىرقاتار جەكەمەنشىك ب ا ق وكىلدەرىن كييەۆكە شاقىردى»، - دەيدى ول.

ول اتاعانداي، قازاقستان سىرتقى ىستەر مينيسترلىگىنىڭ جەلىسى بويىنشا، ياعني رەسمي ديپلوماتيالىق ارنالار ارقىلى بۇل اقپارات وتپەدى.

«بۇل سۇحبات بىزگە وتە كۇماندى بولىپ كورىنەدى. سەبەبى وندا ۇتىمدىلىقتان گورى ەموسيا كوپ بولدى. ۋكراينالىق ب ا ق ارقىلى قازاقستاندىق اۋديتورياعا جۇگىنۋ وڭايىراق بولار ەدى»،- دەپ قوستى ول.

ەستەرىڭىزگە سالا كەتەيىك، 24 مامىردا ۋكراينا باسشىسى حاركوۆتا ورتالىق ازيادان كەلگەن جۋرناليستەرگە ارنالعان بريفينگ وتكىزدى. ول ايماق ەلدەرى كوشباسشىلارىنىڭ ساياساتى جانە ولاردى بەيبىتشىلىك سامميتىنە شاقىرۋ تۋرالى پىكىر ءبىلدىردى.

بۇل ماقالا تۋرالى نە ويلايسىز؟