ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«بۇل ەسكەرتۋ دەپ قابىلداي عوي»: جىگەر اۋىپبايەۆ قويشى بالاعا رەنىشىن ءبىلدىردى

17 ماۋسىم 2024 1863

ايدوس كادەن - كوپشىلىككە «قويشى بالا» دەگەن اتپەن تانىلعان ءانشى. ءانشى جىگەر اۋىپبايەۆ وزىنەن كەتىپ قالعان شاكىرتى «قويشى بالا» دەگەن اتپەن تانىلعان ايدوس كادەنگە رەنىشىن ايتتى. 

قويشى بالانىڭ الەۋمەتتىك جەلىدە «جىگەر اعا، مەنى تانىلعاننان كەيىن الىپ كەتتى. اۋىلدا ءجۇرىپ، تانىلماي، قوي باعىپ جۇرگەن كەزىمدە الىپ كەتسە، دۇرىس ەدى. تانىلىپ بولعاننان كەيىن ول كىسى مەنى Instagram-نان كورىپ، ىزدەپ تاپتى»، دەگەن ءسوزى تاراپ كەتتى.

جىگەر اۋىپبايەۆ شاكىرتىنىڭ پىكىنە جاۋاپ بەردى.

اۋىلدان الماتىعا الىپ كەلىپ قاناتىمنىڭ استىنا الىپ، قانشاما تالانتتى ءىنى-قارىنداستارىم ارمانداپ جۇرگەن ساحنالارعا جەتەكتەپ شىعارعانىمدى قايتەيىن... ەڭ وكىنىشتىسى، كوپشىلىك كورىپ كۋا بولىپ جۇرگەن كىشىگىرىم ەڭبەگىمدى ەلەمەگەنىڭ. سەنىڭ الار اسۋلارىڭ ءالى الدا ەدى، ايدوسجان. «قايتا كىرەر ەسىگىڭدى قاتتى جاپپا»، «ىشكەن قۇدىعىڭا تۇكىرمە» دەيدى قازاق.

3 جىل ۇيىمدە تۇرىپ، اسىمدى ءىشىپ كەلىپ TikTok تىكەلەي ەفيرىندە كوپشىلىككە ايتىپ وتىرعان اڭگىمەڭدى ەستىپ، كورىپ مەن ۇيالىپ وتىرمىن. مەن سەن جايلى ايتار بولسام ونەر جولىنداعى بولاشاعىڭدى بىلعاپ الامىن با دەپ قورقامىن. اقىلىڭ بار عوي، بالاقاي. ارتىق اڭگىمەنى قويا عوي. بۇل ەسكەرتۋ دەپ قابىلداي عوي. مەن سەنى ءىنىم، شاكىرتىم رەتىندە جاقسى كورەمىن. سول ءقادىرىڭدى كەتىرمەي-اق قوي!، – دەپ جازدى ول TikTok جەلىcىندە.

بۇل ماقالا تۋرالى نە ويلايسىز؟