ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"بۇدان ساياسي استار ىزدەۋدىڭ قاجەتى جوق": باپي ۋكراينادا قاستاندىق جاسالعان قازاقستاندىق وپپوزيسيا وكىلى تۋرالى ايتتى

21 ماۋسىم 2024 397

ايدوس سادىقوۆقا قاستاندىق جاساعان كىم؟ دەپۋتات باپي مۇنى سىرتقى كۇشتەردەن كوردى دەپ حابارلايدى Alash.kz Fragmentكە سىلتەپ.

ءماجىلىس دەپۋتاتى ەرمۇرات باپي اتىشۋلى "باسە" ارناسىنىڭ اۆتورى ايدوس سادىقوۆقا جاسالعان قاستاندىققا قاتىستى پىكىر ءبىلدىردى.

ماجىلىسمەننىڭ ايتۋىنشا، مۇنىڭ ارتىندا قازاقستاندى شەتەلدىك سەرىكتەستەرمەن ارازداستىرۋدى كوزدەيتىن سىرتقى كۇشتەر تۇر.

ول قازاق بيلىگىنىڭ مۇنداي ارانداتۋعا ارالاسىپ، اتىن بىلعامايتىنىن باسا ايتتى.



سونىمەن قاتار، باپي ايدوس سادىقوۆتىڭ ەڭ الدىمەن قازاقستان ازاماتى ەكەنىن اتاپ ءوتتى.

"بيلىك ورىندارى بولعان وقيعانىڭ ءمان-جايىن انىقتاۋ ءۇشىن قولدان كەلگەندى جاسايدى جانە بۇدان ساياسي استار ىزدەۋدىڭ قاجەتى جوق"، - دەيدى باپي.

بۇل ماقالا تۋرالى نە ويلايسىز؟