ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بقو تۇرعىنى اناسىن پىشاقتاپ ولتىرگەن

28 مامىر 2024 385

اناسىن اڭشىلىق پىشاعىمەن مەرت قىلعان بقو تۇرعىنىنىڭ ىسىنە نۇكتە قويىلدى، دەپ حابارلايدى Alash.kz.

بقو سوتىنىڭ مالىمەتىنشە، تۇرعىن ق ر قك 99-بابى 1-بولىگىنە (ادام ءولتىرۋ) سايكەس ايىپتى دەپ تانىلدى. سوت تالقىسىندا انىقتالعانىنداي، 2023 جىلى 1 قاراشا كۇنى ساعات شامامەن 00.30-دا ورال قالاسىنىڭ تۇرعىنى ماس كۇيىندە ءوزىنىڭ اناسىمەن سوزگە كەلىپ، اڭشىلىق پىشاعىمەن وڭ جاق كەۋدە تۇسىنا سوققى جاساعان. سالدارىنان مارقۇم سول جەردە جان تاپسىرعان.

سوتتالۋشى ءوز كىناسىن تولىق مويىنداپ، شىن نيەتپەن وكىنەتىنىن ايتتى. سوت ۇكىم شىعارعان كەزدە قىلمىستىڭ سيپاتى مەن قوعام ءۇشىن قاۋىپتىلىگىن، جازانى اۋىرلاتاتىن جانە جەڭىلدەتەتىن ءمان-جايلاردى ەسكەردى. ق ر قك 99-بابى 1-بولىگىنە سايكەس 10 جىلعا باس بوستاندىعىنان ايىرۋ جازاسىن قاۋىپسىزدىگى ورتاشا قىلمىستىق-اتقارۋ جۇيەسى مەكەمەسىندە وتەۋ بەلگىلەندى. جابىرلەنۋشىدەن تالاپ ارىز تۇسكەن جوق. سوت ۇكىمى زاڭدى كۇشىنە ەندى، - دەپ حابارلادى ۆەدومستۆودان.

بۇل ماقالا تۋرالى نە ويلايسىز؟