ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بورتنيكوۆ «كروكۋستاعى» تەراكت ءۇشىن ۋكراينانىڭ ارنايى قىزمەتىن ايىپتادى

26 ناۋرىز 2024 365

رەسەيدىڭ فسب ديرەكتورى الەكساندر بورتنيكوۆ ۋكراينانىڭ بارلاۋ اگەنتتىكتەرى "كروكۋس سيتي حولداعى تەراكتقا ىقپال ەتتى، ال ول تەراكتتى راديكالدى يسلاميستەر دايىندادى" دەپ مالىمدەدى.

– ۋكراينادا "تەرروريستەردى كۇتكەن" دەگەن اقپارات پىسىقتالىپ جاتىر. ءقازىر وسى قىرعىنعا قاتىسقانداردىڭ ءبارىن انىقتاۋ ءۇشىن جۇمىس ىستەلىپ جاتىر. رەسەيدە، شەتەلدە جۇرگەندەردى دە انىقتاۋ ءىسى بار. تەرروريستەر قاشسا، دەمەك قۇتىلىپ كەتپەك بولعان. مەن ءبىر قۇپيانى اشايىن - ول جاقتا بۇلاردى باتىرلارداي كۇتكەن. مەنىڭ بۇل ايتقانىم، قالاي ايتسام - سولاي جەتسىن، – دەگەن بورتنيكوۆتىڭ ءسوزىن رەسەي باق-تارى تاراتىپ جاتىر.

بۇعان دەيىن ۋكراينا پرەزيدەنتى كەڭسەسىنىڭ كەڭەسشىسى ميحايل پودولياك ۋكراينانىڭ «كروكۋس سيتي حولل» كەشەنىندەگى تەرروريستىك شابۋىلعا قاتىسى جوق دەپ مالىمدەگەن ەدى. باتىس ەلدەرى دە رەسەيگە “كروكۋستاعى” وقيعا ۋكرايناداعى سوعىستى ۇدەتۋگە سەبەپ بولماۋى كەرەكتىگىن رەسەيگە ەسكەرتكەن.

بۇل ماقالا تۋرالى نە ويلايسىز؟