ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"ءبىرىن-بىرى جاۋعا تاستامايتىن دوستار". ءپۋتيننىڭ سولتۇستىك كورەياعا ساپارلايتىنى حابارلاندى

19 مامىر 2024 478

كرەمل رەسەي پرەزيدەنتى ۆلاديمير ءپۋتيننىڭ سولتۇستىك كورەياعا ساپارلايتىنىن حابارلادى. بۇل تۋرالى مەملەكەت باسشىسىنىڭ باسپا ءسوز حاتشىسى دميتريي پەسكوۆ تاسس-قا مالىمدەدى، دەپ جازدى Alash.KZ ۇلتتىق پورتالى. 

"ساپارعا دايىندىق ءجۇرىپ جاتىر"، - دەدى پەسكوۆ. الايدا ول ساپار حاقىندا ەگجەي-تەگجەيلى ءتىس جارىپ ەشتەڭە ايتقان جوق.

2023 جىلدىڭ قىركۇيەگىندە سولتۇستىك كورەيانىڭ كوشباسشىسى كيم چەن ىن رەسەيگە باردى. ءپۋتيندى ارنايىلاپ كحدر-عا شاقىردى. سودان كەيىن پەسكوۆ پرەزيدەنتتىڭ شاقىرۋدى "ريزاشىلىقپەن" قابىلداعانىن حابارلادى. 2024 جىلدىڭ قاڭتارىندا ول ءپۋتيننىڭ سولتۇستىك كورەياعا ساپارى جاقىن ارادا بولۋى مۇمكىن دەپ مالىمدەدى.

پۋتين سوڭعى رەت 2000 جىلى سولتۇستىك كورەيادا بولدى، سودان كەيىن پحەنياندا ول كيم چەن ىننىڭ اكەسى كيم چەن يرمەن اكەزدەستى. كەلىسسوزدەر قورىتىندىسى بويىنشا قوس مەملەكەت باسشىلارى رەسەيگە نەمەسە كحدر-عا قاتىستى اگرەسسيا ءقاۋپى تۋىنداعان جاعدايدا "بىر-بىرىمەن دەرەۋ بايلانىسقا تۇسۋگە" ۋاعدالاستى.

بۇل ماقالا تۋرالى نە ويلايسىز؟