ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ءبىر ورىنعا 5 مىڭ قىتايمەن تالاستىم - ولجاس سۇلەيمەن

07 مامىر 2024 505

پىكىر يەسى اقىن، نازاربايەۆتىڭ زامانداسى سۇلەيمەنوۆ ەمەس، جاس كاسىپكەر ولجاس سۇلەيمەن. ول Unknownkazak talks-قا سۇحبات بەردى. 

شانحايدا وقىپ جۇرگەن كەزىمدە مەن “مىنالار نە جەپ پىسىق بولادى ءوزى؟” دەپ تاڭعالاتىنمىن. سول كەزدە “ءبىز دە سونى ۇيرەنەيىكشى” دەگەن ەدىم. سويتسەم، ولار ءبىلىمدى جەپ پىسىق بولادى ەكەن. نەگە؟ ويتكەنى شەتەلدە كورگەن ءبىر مىسالىم، ەكى ءتۇرلى پروبكا كوردىم. بىرەۋى – كولىكتەردىڭ كەپتەلىسى، ەكىنشىسى تاڭعى التى جارىمدا قانشاما ستۋدەنتتەر كىتاپحانانىڭ الدىندا تۇراتىن 3 كيلومەترلىك كەزەك. “مەن نە دەگەن قالىپ بارا جاتقان اداممىن” دەپ ويلادىم، - دەدى ول.

ولجاس سۇلەيمەن “باي مەن كەدەيدىڭ بالاسىن ءبىلىم تەڭەستىرەدى” دەگەن ءسوز راس ەكەنىنە كوز جەتكىزگەنىن ايتتى. ول قىتايدىڭ شانحاي قالاسىندا ءبىر جۇمىس ورنىنا باسەكەلەستىك وتە جوعارى ەكەنىن دە اتاپ ءوتتى.

شانحايدا جاپونيانىڭ قۇرىلىس كومپانياسىندا جۇمىس ىستەدىم. باسەكەلەستىكتىڭ جوعارىلىعىنىڭ جاي ءبىر مىسالى جۇمىسقا ورنالاسۋ ءۇشىن 17 كەزەڭنەن تۇراتىن سۇحباتتاسۋدان ءوتتىم. ءبىر ورىنعا 5 مىڭنان اسا ادام تالاستى. ول جۇڭگو ءۇشىن ۇيرەنشىكتى، تاڭعالماڭىزدار، - دەدى كاسىپكەر.

بۇل ماقالا تۋرالى نە ويلايسىز؟