ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بەكتەنوۆ ونەركاسىپ سالاسىنىڭ 180 ءىرى جوباسىن ىسكە اسىرۋعا تاپسىرما بەردى

28 مامىر 2024 221

بۇگىن ۇكىمەت وتىرىسىندا پرەمەر-مينيستر ولجاس بەكتەنوۆ وڭدەۋ ونەركاسىبىن دامىتۋ جونىندە ونەركاسىپ مينيسترلىگىنە ءبىرقاتار تاپسىرمالار بەردى.

پرەمەر-مينيستر ولجاس بەكتەنوۆتىڭ وڭدەۋ ونەركاسىبىن دامىتۋ جونىندەگى تاپسىرمالارى:  

ونەركاسىپ مينيسترلىگى سالالىق مەملەكەتتىك ورگاندارمەن جانە ءوڭىر اكىمدىكتەرىمەن بىرلەسىپ، يندۋستريالاندىرۋ كارتاسى شەڭبەرىندە وڭدەۋ ونەركاسىبىنىڭ 180 جوباسىن ۋاقتىلى ىسكە قوسۋدى قامتاماسىز ەتۋى قاجەت.

ينۆەستورلاردىڭ بارلىق سۇراقتارىن اۋرە-سارساڭعا سالماي، جەدەل شەشۋ كەرەك.

وتاندىق وندىرۋشىلەردى قولداۋ جانە دامىتۋ ءۇشىن وڭدەۋ ونەركاسىبىندەگى وتاندىق كاسىپورىنداردى شيكىزاتپەن قامتاماسىز ەتۋ ماسەلەسى زاڭنامالىق تۇرعىدان رەتتەلدى.

ونەركاسىپ مينيسترلىگى مۇددەلى مەملەكەتتىك ورگاندارمەن جانە ۇيىمدارمەن بىرگە وسى مەحانيزمدى ونەركاسىپتىڭ بارلىق نەگىزگى سالالارىندا قولدانۋدى قامتاماسىز ەتۋگە ءتيىس.

ونەركاسىپ جانە قۇرىلىس مينيسترلىگىنە «بايتەرەك» حولدينگىمەن بىرلەسىپ، يمپورتتى الماستىراتىن قۇرىلىس ماتەريالدارىن ءوندىرۋ جوبالارىن جەڭىلدىكپەن قارجىلاندىرۋ ماسەلەسىن پىسىقتاۋ تاپسىرىلدى.

«سامۇرىق-قازىنا» حولدينگى مەن ءوڭىر اكىمدىكتەرىنە «جايلى مەكتەپ» ۇلتتىق جوباسى بويىنشا جەرگىلىكتى قامتۋ دەڭگەيىنە جانە سۋ تاسقىنىنان كەيىنگى قالپىنا كەلتىرۋ جۇمىستارىنا باقىلاۋدى كۇشەيتۋى قاجەت.

بۇل ماقالا تۋرالى نە ويلايسىز؟