ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

باس پروكۋراتۋرا قاڭتار وقيعاسىنا "12 قىلمىستىق توپ قاتىسقانىن" حابارلادى

11 ءساۋىر 2022 74
[ad_1]



قازاقستان باس پروكۋراتۋراسى قاڭتار وقيعاسىنا "12 قىلمىستىق توپ قاتىسقانىن، الماتى اۋەجايىن قاڭتار وقيعاسى كەزىندە كۇزەتسىز قالدىرعان پوليسيا باستىعى قاماۋعا الىنعانىن حابارلادى. باس پروكۋراتۋرانىڭ وكىلى ەلدوس قيلىمجانوۆتىڭ بۇگىن ورتالىق كوممۋنيكاسيالار قىزمەتىندە وتكەن بريفينگتە ايتقان بۇل مالىمەتىن Tengrinews.kz تاراتتى.

"ارناۋلى پروكۋرورلار تارتىپسىزدىككە 12 قىلمىستىق ۇيىم قاتىسقانىن انىقتادى. ونىڭ ىشىندە "ديكيي ارمان" اتالىپ كەتكەن ارمان جۇماگەلدييەۆ، "قازاقساندىق" جانە "ايشۋاق - جانتۇگەل" قىلمىستىق توپتارى بەلسەنە ارالاسقان. قىلمىستىق توپتاردىڭ 23 مۇشەسى مەن 4 قىلمىستىق "اۆتوريتەت" قاماۋعا الىندى،- دەيدى ەلدوس قيلىمجانوۆ.

قيلىمجانوۆتىڭ سوزىنشە، "جاپپاي تارتىپسىزدىك ۇيىمداستىردى" دەگەن ايىپپەن 547 ادام كۇدىكتى ساناتىنا قوسىلعان، 269 ادام قاماۋعا الىنعان.

قيلىمجانوۆ مۇنان وزگە، قاڭتار وقيعاسى كەزىندە "اننا" قارۋ-جاراق دۇكەنىنەن قارۋ ۇرلاپ، الماتى اۋەجايىنا، الماتى قالاسىنىڭ المالى اۋداندىق پوليسيا دەپارتامەنتىنە "شابۋىل" جاساعان ادامار ۇستالعانىن مالىمدەگەن، ءبىراق ولاردىڭ اتى-جوندەرىن ايتپاعان.

- قۇقىق قورعاۋ ورگاندارى 5 قاڭتاردا ءبىر توپ اداممەن بىرگە "قازاەروناۆيگاسيا" عيماراتىنا شابۋىل جاساپ، الماتى اۋەجايىنىڭ ۇشۋ-قونۋ جولاقتارىنىڭ جارىعىن وشىرگەن ادامدى تاپتى،- دەيدى باس پروكۋراتۋرا وكىلى.

ونىڭ سوزىنشە، "قىزمەت مىندەتىن ورىنداماعانى، اۋەجايدى كۇزەتسىز قالدىرىپ، اۋەجايدى باسىپ الۋعا جول بەرگەنى ءۇشىن الماتى قالاسى اۋەجايىنىڭ جەلىلىك پوليسيا ءبولىمىنىڭ باستىعى ۇستالعان".

ەلدوس قيلىمجانوۆتىڭ ايتۋىنشا، قاڭتار وقيعاسى كەزىندە اۋەجايدا 165 قاۋىپسىزدىك قىزمەتكەرى، 40 پوليسيا قىزمەتكەرى، 65 شەكاراشى، 60 اۆياسيالىق قاۋىپسىزدىك قىزمەتكەرى بولعان. شابۋىلعا تويتارىس بەرۋ ءۇشىن ولارعا قارۋ بەرىلگەن.

بيىل قاڭتار وقيعاسى كەزىندە قازاقستاندا ون مىڭعا جۋىق ادام قاماۋعا الىنىپ، كەمى 230 ادام قازا بولعان ەدى. وقيعانى اقوردا تەرررريستىك اكت دەپ اتاعان جانە پرەزيدەنت قاسىم-جومارت توقايەۆ الماتىعا "20 مىڭ بانديت شابۋىلدادى" دەگەن. الايدا "تەروريستىك اكتى مەن بانديتتەر شابۋىىلىن" ازىرگە ناقتى فاكتىلەرمەن دالەلدەگەن ەمەس.



[ad_2]

دەرەككوز
بۇل ماقالا تۋرالى نە ويلايسىز؟