قاسىرەتتى قاڭتاردان كەيىن سىڭعا قالعان الماتىنىڭ ەكس-اكىمى باقىتجان ساعىنتايەۆ جاڭا قىزمەتكە تاعايىندالدى.
جوعارى ەۋرازيالىق ەكونوميكالىق كەڭەستىڭ شەشىمىمەن باقىتجان ساعىنتايەۆ قازاقستان رەسپۋبليكاسىنان ەۋرازيالىق ەكونوميكالىق كوميسسيا القاسىنىڭ مۇشەسى بولىپ تاعايىندالدى.
ۇيىمنىڭ سايتىندا حابارلانعانداي، ساعىنتايەۆتى ەەك القاسىنىڭ مۇشەسى ەتىپ تاعايىنداۋ تۋرالى شەشىم 23 مامىردا ماسكەۋدە قابىلدانعان. بۇل قىزمەتتە ول رۋسلان بەكەتايەۆتى الماستىردى.
ەسكە سالساق، بۇعان دەيىن الماتى تۇرعىندارى الماتى اكىمى ساعىنتايەۆتىڭ وتستاۆكاعا كەتۋىن تالاپ ەتكەن پەتيسيا جارىققا شىعىپ، 20 مىڭنان استام قول جينالدى. جەلىدە الماتى قالاسىنىڭ اكىمى باقىتجان ساعىنتايەۆتىڭ وتستاۆكاعا كەتىپ، ورنىنا بەيبىت اتامقۇلوۆتىڭ كەلە جاتقانى تۋرالى حابارلاما تارادى. الماتى اكىمدىگى بۇل اقپاراتتى جوققا شىعارعان بولاتىن.
31 قاڭتار كۇنى قازاقستان پرەزيدەنتى ساعىنتايەۆتى وتستاۆكاعا جىبەرىپ، ورنىنا ەربولات دوسايەۆتى تاعايىندادى.
دەرەككوز
