ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بالالاردى اياۋسىز ۇرعان بالاباقشا تاربيەشىلەرىنە قانداي جازا قولدانىلادى؟

16 مامىر 2024 287

جاسكەنت بالاباقشاسىندا بالالاردى ۇرعان تاربيەشىلەردىڭ ۆيدەوسى جەلىدە تاراپ كەتكەن ەدى. كەيىن پوليسەيلەر تەكسەرىس جۇرگىزدى، دەپ حابارلايدى Alash.kx Qaz365.kz.سىلتەمە جاساپ

تاربيەشىنىڭ بالالاردى ۇرعانىن ولاردىڭ اتا-انالارى انىقتاعان. سەبەبى بالالارى ۇيگە جاراقات الىپ كەلگەن. اتا-انالار بالاباقشاداعى بەينەكامەرالاردى قاراۋ بارىسىندا تاربيەشىلەردىڭ بالالارعا قول جۇمساعانىن كورگەن. ونى كورەگەن كەيبىر اتا-انالار ەسىنەن تانىپ قالعان.

العاش بولىپ اتا-انالاردان ا.مۇحامەتقالي 2022 جىلى تۋعان قىزىنىڭ سوققىعا جىعىلعانىن بايقاعان. ول 10 مامىردا قىزىنىڭ بەتىنىڭ وڭ جاعىندا قىزارۋ مەن ساۋساق ىزدەرىن بايقاعان. تاربيەشى بالالار ويىن بارىسىندا توبەلەسىپ قالعان دەپ تۇسىندىرەدى.

14 مامىردا تاعى ءبىر قىزدىڭ اناسى گ.شايمەردەنوۆا دا وسىندايدى بايقايدى. ول قىزىنىڭ بالاباقشادان كەلگەن سوڭ وڭ جاق جامباسىندا قاتتى قىزارۋ جانە ساۋساق ىزدەرى بارىن انىقتاعان. بىردەن دەرەۋ بالاباقشاعا بارىپ، بەينەجازبانى قارايدى. ۆيدەودان تاربيەشىنىڭ قىزىنا جانە باسقا دا بالالاردى قالاي اياۋسىز ۇراتىنىن كورگەن.

سوسىن ۆيدەونى «قۇلىنشاق» دەگەن چاتقا جىبەرەدى.

2024 جىلدىڭ 15 مامىرى كۇنى تاڭەرتەڭ، ياعني 30-عا جۋىق اتا-انا ۆيدەونى كورۋ ءۇشىن بالاباقشاعا بارىپ، «قۇلىنشاق» جانە «بوبەك» توپتارىنىڭ ەكى تاريبەشىسى مەن ەكى كۇتۋشىسىنىڭ زاڭسىز ارەكەتتەرىن انىقتاعان.

بالاباقشا قىزمەتكەرلەرى جۇمىستان بوساتىلدى. سوت-مەديسينالىق ساراپتاما تاعايىندالدى.

قازىرگى ۋاقىتتا ءۇش اتا-انا بالالارىنىڭ سوققىعا جىعىلعانى تۋرالى جازباشا ارىز جازعان.

 

 

بۇل ماقالا تۋرالى نە ويلايسىز؟