ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"ازوۆستالدە" 600-گە جۋىق جارالى جاۋىنگەر بار، 40 جاۋىنگەردىڭ جاعدايى وتە اۋىر

16 مامىر 2022 63
[ad_1]



رەسەي اسكەرى قورشاۋعا العان "ازوۆستال" زاۋىتى اۋماعىندا ۋكراينانىڭ 600-گە جۋىق جارالى جاۋىنگەرى بار. بۇل جونىندە ۇلتتىق تەلەمارافون ەفيرىندە 12ء-شى بريگادانىڭ كومانديرى دەنيس شلەگا حابارلاعان.

"ونىڭ سوزىنشە، 40-قا جۋىق جاۋىنگەردىڭ جاعدايى وتە اۋىر. مەديسينا قۇرالدارى مەن دارى-دارمەك جەتپەيدى، جاعداي قيىن" دەپ جازادى ازاتتىق راديوسىنىڭ ۋكراينا رەداكسياسى.

بۇل اقپاراتتى 15 مامىرداعى ونلاين-كونفەرەنسيا كەزىندە "ازوۆستال" قورعانىسىنداعى كەيبىر جاۋىنگەرلەردىڭ ايەلدەرى ەكاتەرينا پروكوپەنكو، يۋليا فەدوسيۋك، اننا ناۋمەنكو مەن داريا سيكۋنوۆالار دا راستادى. ولاردىڭ سوزىنشە، قورشاۋداعى جاۋىنگەرلەر كۇنىنە ءبىر ستاكان عانا تەحنيكالىق سۋ ىشەدى، ازىق-تۇلىك تە تاۋسىلۋعا جاقىنداعان. اۋىر جارالى جاۋىنگەرلەر دارى-دارمەك جەتپەي ءولىپ جاتىر، ناركوزسىز دەنەسىن كەسكەن كەزدەرى بولعان.

ايەلدەر قورشاۋداعى جاۋىنگەرلەردى قۇتقارۋعا شاقىردى. ولار تۇركياعا بارىپ، پرەزيدەنت ەردوعانمەن كەزدەسكىسى كەلەتىنىن، كۇيەۋلەرىن قۇتقارۋعا سەپتەسۋدى سۇراعىسى كەلەتىندىكتەرىن ايتتى.

"ناستوياششەە ۆرەميا" تەلەارناسى "ازوۆ" پولكىنىڭ (ۋكراينا ۇلتتىق گۆاردياسى قۇرامىنا كىرەتىن وڭشىل ەرىكتى توپ) جاۋىنگەرى دميتريي كوزاسكييمەن بايلانىستى. جوعارىداعى اقپاراتتاردى ول دا راستادى. "ازىق-تۇلىك پەن سۋ ءارى كەتكەندە ءبىر اپتاعا جەتەتىن شىعار. بۇگىن تۇستە س ۇلىنىڭ جارماسىن جەدىك، اراسىندا ازداپ ءسابىز بولدى. كۇنىنە ءبىر-اق رەت تاماقتانامىز"، – دەدى كوزاسكيي.

دميتريي كوزاسكيي سوزىنشە، ءقازىر ۇرىس قيمىلدارى زاۋىت اۋماعىندا ءجۇرىپ جاتىر. "جاۋ اۋىر ارتيللەرياسىمەن اتىپ، تانكى مەن اۆياسياسىن قوسىپ جاتىر. ءبىزدىڭ جاۋىنگەرلەرلەر بارلىق شابۋىلدى تويتارىپ وتىر"، – دەدى "ازوۆ" سولداتى.

"ازوۆستال" مەتاللۋرگيا كومبيناتى – ۋكراينا اسكەرىنىڭ ماريۋپولدەگى سوڭعى تىرەگى. قالانىڭ باسىم بولىگىن رەسەي اسكەرى باقىلاۋىنا العان.

ۋكراينا زاۋىت قورعانىسىنداعى جاۋىنگەرلەرىن ەۆاكۋاسيالاۋعا تىرىسىپ وتىر. ءتىپتى ولادى ءۇشىنشى ەلگە جىبەرۋدى دە ۇسىنىپ كوردى. مۇنداي ۇسىنىستى تۇركيا دا ايتقان. الايدا رەسەي "ولار بەرىلۋگە ءتيىس" دەپ سانايدى. ءقازىر اۋىر جارالانعانداردى رەسەي تۇتقىندارىمەن ايىرباستاۋ جونىندە كەلىسسوز ءجۇرىپ جاتىر.



[ad_2]

دەرەككوز
بۇل ماقالا تۋرالى نە ويلايسىز؟