ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ايەلىمنىڭ ەلەسى كەلەدى: ماسكاداعى جىگىت جالعىزباستى اكەگە ءۇي سىيلادى

20 ماۋسىم 2024 2416

قارا بەتپەردە تاققان جىگىت جالعىزباستى اكەگە پاتەر مەن ەمگە اقشا سىيلادى، - دەپ حابارلايدى Alash.kz ۇلتتىق پورتالى Massaget.kz سايتىنا سىلتەمە جاساپ.

ول ەگىستىككە مەرگەن دەگەن كىسىنى ىزدەپ بارعان.

مەرگەن — ءۇش بالاسى بار جالعىزباستى اكە. ونىڭ ەكى بىردەي كوزى ناشار (-9) كورەدى. ۇلى — ءۇشىنشى توپ مۇگەدەگى. بالالارىمەن پاتەردى جالعا الىپ تۇرادى.

"جاقىندا جولداسىم ومىردەن وزدى. ىشىندە 3،5 ايلىق سابيمەن كەتتى. ءوزىم جالدامالى جۇمىسشى بولىپ ىستەيمىن. ءقازىر ەگىستىكتە قىرىققابات تەرەمىز. ەكى كوزىم دە — مينۋس 9. ۇلكەن بالام دا يحتيوز دەگەن اۋرۋمەن اۋىرادى. دەنەسىندە قارا داقتارى بار. باسىمدا باسپانا جوق. "ۆرەميانكادا" تۇرامىز. وندا گاز جوق"، - دەدى ول.

ەر ادام كوز الدىنان ايەلىنىڭ ەلەسى ءالى كۇنگە دەيىن كەتپەگەنىن اڭگىمەلەپ بەردى.

"ءالى كەلەتىندەي بولىپ تۇرادى ماعان. ماڭگىلىك جۇرەكتە قالدى ول كىسى. بالالارىم اناسىن ىزدەيدى. ۇيدە وتىرعان كەزدە سىرتقا شىعىپ كەتەمىن، قورادا جىلايمىن. ول ءسوزدى ەستىگەن سايىن جۇرەگىم اۋىرادى"، - دەدى ول.

قارا بەتپەردە تاققان جىگىت جالعىزباستى اكەگە ءبىر بۋما اقشانى ۇستاتتى. بۇل ءوزىنىڭ جانە بالاسىنىڭ ەمىنە دەپ بەرىلگەن قاراجات ەدى. سونىمەن بىرگە ول ەر ادامعا قالاعان كاسىبىن اشۋعا كومەكتەسۋگە ۋادە بەرىپ، ءۇيدىڭ كىلتىن تابىستادى.

ەگىستىك باسىندا مۇنداي توسىنسىيدى كۇتپەگەن ەر ادام سولقىلداپ جىلادى.

 

بۇل ماقالا تۋرالى نە ويلايسىز؟