ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"اتىراۋدا تج رەجيمى جاريالاناتىن بولادى" - قانات بوزىمبايەۆ

06 ءساۋىر 2024 253
6 cءاۋىر كۇنى اتىراۋعا جۇمىس ساپارىمەن قانات بوزىمبايەۆ باردى. ۆيسە-پرەمەر جەدەل شتابتىڭ وتىرىسىن وتكىزىپ، قالادا تج رەجيمى جاريالاناتىنىن مالىمدەدى، دەپ حابارلايدى Alash.KZ ۇلتتىق پورتالى. 

رەسەيدەگى سۋ تاسقىنى، اتىراۋ وبلىسىنداعى قىزىل سۋعا قارسى ءىس-شارالار بارىسىندا جانە جايىق وزەنىندەگى سۋ بوگەتتەرىن نىعايتۋعا بايلانىستى توتەنشە توتەنشە جاعداي جاريالاندى. 

"مەنىڭ ويىمشا، ءبىز ءبىرىنشى كەزەكتە اتىراۋ قالاسىندا تج رەجيمىن جاريالايتىن بولامىز. قۇلسارى قالاسىندا قالاي جاريالاندى، تۋرا سولاي اتىراۋدا دا جاريالانادى. ءبىراق ادامدار سارى ۋايىمعا سالىنباسىن. بۇگىن ءبىز جايىق وزەنىندەگى سۋ تاسقىنىنا قارسى كۇرەس جوسپارىن جاسايتىن بولامىز. سەبەبى ءقازىر رەسەي فەدەراسياسىنان كەلىپ جاتقان سۋ 3 مىڭ تەكشە مەتردى قۇرايدى، ال بولاشاقتا ول 4-4، 5 مىڭعا جەتۋى مۇمكىن. وسى جاعىنان العاندا، بۇل سۋدىڭ اتىراۋعا جەتۋىنە 20 شاقتى كۇن بار. سوندىقتان ءبىز بارلىق بوگەتتەردى نىعايتىپ، قاجەتتى ارنالاردى قازىپ، سۋدى اتىراۋعا جەتپەيتىندەي قام جاساۋعا دايىن بولۋىمىز كەرەك"، - دەدى پرەمەر-مينيستردىڭ ورىنباسارى بوزىمبايەۆ.
بۇعان دەيىن قانات بوزىمبايەۆ تىكۇشاقپەن اتىراۋ وبلىسىنداعى سۋ باسقان ەلدىمەكەندەردى باقىلاپ، اۋەدەن شولىپ شىققان ەدى.
بۇل ماقالا تۋرالى نە ويلايسىز؟