ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

اتىراۋدا سارباز پوليسەيلەرگە وق اتىپ، اسكەردەن قاشىپ كەتكەن

09 مامىر 2024 1703

اتىراۋدا بيىل اسكەرگە شاقىرىلعان سارباز پوليسياعا وق اتىپ،قاشىپ كەتتى.

2024 جىلعى 8 مامىردا اتىراۋ گارنيزونىنداعى اسكەري بولىمدەردىڭ بىرىندە مەرزىمدى قىزمەتتىڭ اسكەري قىزمەتشىسى بەكىتىلگەن قارۋدى الىپ، ءبولىمدى ءوز ەركىمەن تاستاپ كەتۋ فاكتىسى تىركەلدى. قازىرگى ۋاقىتتا اسكەري قىزمەتشى ءبولىم اۋماعىندا. زارداپ شەككەندەر جوق. تەرگەۋ مۇددەسىنە ساي وزگە اقپارات جاريا ەتىلمەيدى، - دەپ مالىمدەدى «باتىس»وڭىرلىك قولباسشىلىعى اتىراۋ گارنيزونىنىڭ باسپا ءسوز قىزمەتى.

كەيبىر مالىمەتتەرگە قاراعاندا، اسكەري بولىمنەن قاشقان سارباز – كوكشەتاۋ قالاسىنىڭ تۋماسى. ول اسكەرگە بيىلعى 18 ساۋىردە شاقىرىلعان.

Atyrau Online Telegram-ارناسى ساربازدى تۇتقىنداماق بولعاندا ول قارۋدان وق اتقانىن جازدى. بۇدان كەيىن اسكەري ءبولىم قىزمەتكەرلەرى مەن پوليسەيلەر «ارلان»ارنايى جاساعى مەن ۇقك قىزمەتكەرلەرىن شاقىرعان. ساربازدىڭ قولىندا اك-74 اۆتوماتى بولعان. 

بۇل ماقالا تۋرالى نە ويلايسىز؟