ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

اقتاۋدا مەكتەپ كۇزەتشىسىنىڭ وقۋشىعا ءتيىسىپ، ونى زورلاۋعا ارەكەتتەنگەنى حابارلاندى

15 مامىر 2024 484

اقتاۋدا كۇزەتشىنىڭ مەكتەپ وقۋشىسىن زورلاماق بولعانى حابارلاندى. قالاداعى №10 مەكتەپ وقۋشىلارىنىڭ اتا-انالارى كۇزەتشىنى بالاعا ءتيىسىپ، زورلاماقشى بولدى دەپ ايىپتادى، دەپ حابارلايدى Alash.KZ ۇلتتىق پورتالى lada.kz-كە سىلتەمە كورسەتە وتىرىپ.

جەلىدە تاراعان اۋديوحابارلامادا دەمالىس كۇندەرى №10 مەكتەپتىڭ اۋلاسىندا كامەلەتكە تولماعان قىزداردىڭ ويناپ جۇرگەنى ايتىلعان. ولاردىڭ ءبىرىن وقۋ ورنىنىڭ كۇزەتشىسى كىرەبەرىسكە شاقىرىپ العان. سودان كەيىن ول قىزدى كۇزەت ۇستەلىنىڭ ارتىنا اپارىپ، وعان تيىسە باستاعان. بالا قاشىپ قۇتىلعان.

زارداپ شەككەن قىزدىڭ اناسى پوليسياعا ارىز جازعانى بەلگىلى بولدى.

بۇل فاكتىنى مەكتەپتىڭ ءوزى راستاپ، وقيعا جەكسەنبى، 12 مامىر كۇنى بولعانىن حابارلادى. كۇزەتشى دەرەۋ قاماۋعا الىندى. كۇزەت اگەنتتىگىنە قارسى ءىس قوزعالدى.

وبلىستىق پوليسيا دەپارتامەنتى كۇدىكتىنىڭ ۇستالىپ، ۋاقىتشا ۇستاۋ يزولياتورىنا جەتكىزىلگەنىن حابارلادى.

اتالمىش فاكتى بويىنشا قىلمىستىق ءىس قوزعالدى.

بۇل ماقالا تۋرالى نە ويلايسىز؟