ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"اقشا قايدا، ناتيجە قايدا؟". زايىتوۆ ۋتيلالىمعا قارسى پەتيسياعا قوسىلاتىنىن اشىق مالىمدەدى

05 ماۋسىم 2024 780

ءماجىلىس دەپۋتاتى رينات زايىتوۆ شەتەلدەن كىرگىزىلەتىن كولىكتەر ءۇشىن تولەنۋى ءتيىس ۋتيليزاسيالىق الىم مەن باستاپقى تىركەۋ قۇنىنا بايلانىستى قارسى پەتيسياعا قوسىلاتىنىن، "قيت ەتسە حالىقتى قيناۋعا" توقتام قويىلۋ كەرەك ەكەندىگىن، ۋتيلالىمنىڭ ناتيجەسى مەن اقشاسىنا قاتىستى اسقان كۇمانىن ايتىپ، ءوزىنىڭ ۇستانىمىن ءبىلدىردى، دەپ حابارلايدى Alash.KZ ۇلتتىق پورتالى. 

پارلامەنت ءماجىلىسىنىڭ دەپۋتاتى رينات زايىتوۆ  پوزيسياسىن ءبىلدىردى. بۇل تۋرالى qaz365.kz پاراقشاسىندا حابارلاندى: 

«مەن قارسى پەتيسياعا قوسىلعانمىن. ۋتيلالىمنىڭ ناتيجەسى قايدا؟ اقشاسى قايدا كەتىپ جاتىر؟ زاۋىتتار قايدا؟ سودان كەيىن ونى قالاي ەسەپتەپ وتىر؟ نەگە ءبىز قيت ەتسە حالىقتى قاناي بەرەمىز؟ اۋىل شارۋاشىلىعى تەحنيكاسىنا ەڭ بولماسا، رۇقسات ەتسىن دەدى عوي. بۇل اۋىل شارۋاشىلىعى سالاسىنا دا ۇلكەن بوگەت جاساپ وتىرعان نارسە عوي»، - دەيدى ول.

وسىلايشا، دەپۋتات رينات زايىتوۆ اۋىل شارۋاشىلىعىنىڭ دامۋىنا بوگەسىن بولىپ وتىرعان ۋتيلالىمعا جەكە قارسىلىعىن بىلدىرە كەلىپ،كوميتەتتە ارىپتەسى نارتاي ارالباي ۇلى ەكەۋى اتالمىش ماسەلەمەن اينالىسىپ جاتقانىن، ءقازىر بۇرىنعىداي حالىقتىڭ بەتىنە تۇكىرىپ قويىپ وتىرا بەرەتىن زامان ەمەس ەكەنىن باسا ايتتى.

«ءوزىمىزدىڭ دە كىرگەن كوميسسيامىز كوپ بولىپ تۇر. 50 مىڭ ادام نارازىلعىن باسقاشا بىلدىرسە نە ىستەيمىز؟ ءقازىر بۇرىنعىداي حالىقتىڭ بەتىنە تۇكىرىپ قويىپ وتىرا بەرەتىن زامان ەمەس قوي!؟ ولار (ۇكىمەت مۇشەلەرى) زاڭ جۇزىندە وسىنداي دەپ اڭگىمە ايتار. ال ناتيجە قايدا؟ كورسەتسىنشى، ءبىز دە كەلىسەيىك»، - دەيدى زايىتوۆ.

ورايى كەلگەندە ايتا كەتەيىك، E-Petition.kz رەسمي پورتالىندا جاريالانعان قالدىقتاردى كادەگە جاراتۋعا قاتىستى پەتيسيانى قاراۋعا قاجەتتى قول جينالدى. اكىمشىلىك-راسىمدىك پروسەستىك كودەكسىنىڭ  90-4-بابىنا سايكەس 50 000 قول جينالعان پەتيسيا ق ر ونەركاسىپ جانە قۇرىلىس مينيسترلىگىنىڭ قاراۋىنا جولداندى. ونىڭ 40 جۇمىس كۇنىنە دەيىنگى مەرزىم ىشىندە قارالاتىنى جازىلعان. 

بۇل ماقالا تۋرالى نە ويلايسىز؟