ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«امان-ەسەن تابىلدى»: اسكەردە جوعالىپ كەتكەن جىگىت اناسىمەن 28 جىلدان كەيىن قايتا قاۋىشتى

21 ءساۋىر 2024 4261

1996 جىلى كۇزدە اسكەرگە كەتىپ ورالماعان اتىراۋ وبلىسى، قىزىلقوعا اۋدانى، جاسقايرات اۋىلىنىڭ 1977 جىلى تۋعان تۇرعىنى بەيبىت قوزىبايەۆ 28 جىلدان كەيىن امان-ەسەن تابىلىپ، اناسىمەن قايتا قاۋىشتى. بۇل تۋرالى «اتىراۋ» گازەتى حابارلادى، دەپ جازادى Alash.kz ۇلتتىق پورتالى. 

«مارجان اپايدىڭ بۇل كۇنگە دە جەتىپ، تۋعان ۇلىن قۇشاقتاپ، ساعىنىشىن باسقانىن كوزىمىز كوردى. اۋداندىق اسكەري كوميسسارياتىنا كەلىپ، بالاسىن سۇراپ ەگىلگەن انانىڭ تالاي قينالعاننان ەسىنەن تانىپ قالعانىن دا كورگەنبىز. سول كەزدەرى ونى نە دەپ جۇباتارىمىزدى بىلمەي، ءبىز دە قينالىپ قالۋشى ەدىك. بۇگىن مىنە، 28 جىلدان كەيىن باۋىر ەتى بالاسىمەن قاۋىشقان انا ءۇشىن ءبىزدىڭ دە كوڭىلىمىز جاي تاپقانداي بولدى، – دەيدى قىزىلقوعا اۋداندىق ءماسليحاتىنىڭ دەپۋتاتى، قورعانىس سالاسىنىڭ ارداگەرى ەسەنباي نۇروۆ.

بەيبىت قوزىبايەۆتىڭ قالاي جوعالىپ كەتكەنى جانە وسى ۋاقىتقا دەيىن قايدا بولعانى جايلى اقپارات جازىلماعان. 

Alash.kz ۇلتتىق پورتالى

بۇل ماقالا تۋرالى نە ويلايسىز؟