"قىرعىز رەسپۋبليكاسى ىستىقكولدەن الماتى قالاسىنا تىكەلەي جول سالۋ ماسەلەسىن كوتەرىپ وتىر. بۇگىندە قىرعىز تاراپىنىڭ ۇسىنىسى بويىنشا الماتى - ۇزىناعاش - قاستەك - ميحايلوۆكا - چولپون- ۇزىندىعى 280 شاقىرىمدى قۇرايدى»، - دەدى كوميتەت وكىلدەرى.
سونىمەن بىرگە، ميير اۆتوموبيل جولدارى كوميتەتىنىڭ مالىمەتى بويىنشا، قازاقستاندىق بولىكتىڭ ۇزىندىعى 134 شاقىرىمدى قۇرايدى دەپ بولجانۋدا. سونداي-اق مينيسترلىك قازاقستان تاراپىنان الداعى جۇمىس كولەمىن دە ناقتىلادى:
- الماتى – ۇزىناعاش – 45 شاقىرىم، جاعدايى جاقسى.
- ۇزىناعاش – قاستەك – 42 شاقىرىم، قايتا قۇرۋدى قاجەت ەتەدى.
- قاستەك – ميحايلوۆكا – قىرعىز رەسپۋبليكاسىنىڭ شەكاراسى – 47 شاقىرىم، جاڭا قۇرىلىس. بۇل رەتتە قاستەك – ميحايلوۆكا جاڭا جولىنىڭ قۇرىلىسى ەرەكشە قورعالاتىن اۋماقتاعى تاۋ اسۋى ارقىلى جۇرگىزىلۋى ءتيىس دەگەن ءبىر نيۋانس بار.
- باقىلاۋ پۋنكتىن سالۋ قاجەت.
Tazabek سايتىنان الىنعان كارتا
قىرعىز بولىگىندەگى جولدىڭ ۇزىندىعى 146 شاقىرىمدى قۇرايدى: بۇل رەتتە كەمين قالاسىنان چولپون-اتاعا دەيىنگى 145 شاقىرىم جول سالىنىپ ءبىتتى، جولدىڭ جاعدايى جاقسى. قىرعىز تاراپىنا تەك قازاقستان رەسپۋبليكاسىنىڭ شەكاراسىنان كەمين قالاسىنا دەيىن جول سالۋ كەرەك، بۇل جولدىڭ ءبىر بولىگى.
«بۇگىنگى تاڭدا قۇرامىندا ۇلتتىق ەكونوميكا، قارجى، ەكولوگيا، گەولوگيا جانە تابيعي رەسۋرستار مينيسترلىكتەرى مەن «اتامەكەن» ۇلتتىق كاسىپكەرلەر پالاتاسىنىڭ وكىلدەرىنەن جۇمىس توبى قۇرىلۋدا. بۇل توپتىڭ مىندەتى - قازاقستانعا ەكولوگيالىق جانە ەكونوميكالىق اسەر ەتۋدى قاراستىرۋ. ەل ەكونوميكاسى، سونداي-اق وتاندىق بيزنەستى دامىتۋدىڭ ورىندىلىعى مەن ارتىقشىلىقتارى»، - دەدى مينيسترلىكتىڭ اۆتوموبيل جولدارى كوميتەتى.
ينۆەستيسيالاردىڭ جالپى كولەمى شامامەن 75 ملرد تەڭگەنى قۇرايدى دەپ بولجانۋدا .
كوميتەت الماتى – وتار – قورداي – بىشكەك – چولپون-اتا باعىتى بويىنشا قولدانىستاعى جولدىڭ جاعدايى جاقسى ەكەنىن اتاپ ءوتتى. بۇل باعىتتىڭ ۇزىندىعى 485 شاقىرىمدى قۇرايدى.
بۇعان دەيىن قىرعىز بيلىگى الماتى-ىستىقكول جولىنىڭ باعىتى تۋرالى ايتقان بولاتىن.
