ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

الماتىدا جەر سىلكىنىسى سالدارىنان 44 ادام جاراقات الدى

24 قاڭتار 2024 34
الماتىدا جەر سىلكىنىسى سالدارىنان 44 ادام زارداپ شەككەن. بۇل تۋرالى توتەنشە جاعدايلار دەپارتامەنتىنىڭ باسشىسى نۇرلان اتىعايەۆ ايتتى، دەپ حابارلايدى Halyq Uni.

44 ادام جاراقات العانى تۋرالى اقپارات ءتۇستى. ىشىندە 35 ادام ۇيلەرىنە جىبەرىلدى. زارداپ شەككەن قالعان ازاماتتار ءقازىر اۋرۋحانادا جاتىر، - دەدى دەپارتامەنت باسشىسى نۇرلان اتىعايەۆ.

ۇلتتىق سەيسمولوگيالىق باقىلاۋلار مەن زەرتتەۋلەر عىلىمي ورتالىعىنىڭ ديرەكتورى داۋلەت سارسەنبايەۆ بىزدە جويقىن جەر سىلكىنىسى بولمايتىنىن ايتتى.

سەيسميكالىق جاعدايدان كەيىن ءبىز قىرعىزستان مەن قحر اۋماعىندا 100-دەن استام افتەرشوكوكتى تىركەدىك. قالا تۇرعىندارى قازىرگە دەيىن شامامەن 5 افتەرشوكتى سەزىندى. ال مۇنىڭ قانشا ۋاقىتقا سوزىلۋى مۇمكىن ەكەنىنە كەلسەك، تۇركيا مەن سيريادا بولعان جاعدايعا قارايىق. ول جاقتا جەر سىلكىنىسى قازىرگە دەيىن بولىپ جاتىر. بىزدە جويقىن ءدۇمپۋ بولا ما دەگەن سۇراققا كەلسەك، بۇعان 100 پايىز كەپىلدىك بەرەمىن. بىزدە جويقىن جەر سىلكىنىسى بولمايدى. ءدۇمپۋ باسەڭدەپ جاتىر، - دەدى سارسەنبايەۆ.

بۇعان دەيىن الماتى قالالىق دەنساۋلىق ساقتاۋ باسقارماسى جەر سىلكىنىسى سالدارىنان 8 ادامنىڭ زارداپ شەككەنىن حابارلادى.

ايتا كەتەيىك، الماتىدا 22 قاڭتاردان 23 قاڭتارعا قاراعان ءتۇنى بىرنەشە رەت جەر سىلكىندى. العاشقىسىن قالا تۇرعىندار 23 قاڭتار cاعات 00:05 شاماسىندا سەزدى.

«سەيسمولوگيالىق بايقاۋ جانە زەرتتەۋلەر ۇلتتىق عىلىمي ورتالىعى» ج ش س ساعات 00:42-دە ەكىنشى جەر سىلكىنىسىن تىركەدى.
بۇل ماقالا تۋرالى نە ويلايسىز؟