ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

الماتى وبلىسى قوستاناي وڭىرىنە 105 توننادان استام ازىق-تۇلىك جىبەردى

06 قىركۇيەك 2022 58
 

قوستاناي وبلىسىندا 43 گا ورمان ورتكە ورانىپ، سالدارىنان ۇيلەر ورتەندى، حالىق مۇلىكتەرىن ايىرىلدى، جاراقات العاندار قانشاما. ەلدى-مەكەندەردەن 1800-گە جۋىق ادام ەۆاكۋاسيالاندى.

بۇگىندە وڭىردەگى جاعداي وتە كۇردەلى. وسىعان وراي، وبلىس حالقىنا ەلىمىزدىڭ تۇپكىر-تۇپكىرىنەن كومەك كورسەتىلىپ جاتىر.

ەل باسىنا كۇن تۋعاندا الماتى وبلىسى دا ءۇنسىز قالمادى. العاشقىلاردىڭ ءبىرى بوپ، اۋليەكول اۋدانىنىڭ تۇرعىندارىنا قولدان كەلگەنشە قولداۋ كورسەتىپ جاتىر.

بۇگىن قوستاناي وبلىسىنا جالپى سالماعى 105 توننادان استام ازىق-تۇلىك گۋمانيتارلىق كومەك جىبەرىلدى.

بىرنەشە كۇن بويى وتانداستارىمىزعا الماتى وبلىسىنىڭ اكىمدىگى، ەرىكتىلەر، جاستار، كاسىپكەرلەر مەن جاناشىر ازاماتتار شەتتە قالماي، ازىق-تۇلىكپەن قاتار قۇرىلىس ماتەريالدارى مەن جەكە كۇتىم قۇرالدارى جىبەرىپ وتىرددى.

فرونت كەڭسەنىڭ باسشىسى ەراسىل تولىمبەك ۇلىنىڭ ايتۋىنشا، الماتى وبلىسىنىڭ اكىمدىگى قوستاناي وبلىسىنىڭ مەكەمەسىمەن بايلانىستا بوپ، گۋمانيتارلىق كومەك جيناعان.

«وسىنداي قيىن-قىستاۋ ساتتەردە قازاقستاندىقتار اۋىزبىرشىلىكتەرىن كورسەتىپ جاتىر. ەل پرەزيدەنتى قاسىم-جومارت توقايەۆ زارداپ شەككەندەردىڭ وتباسىلارىمەن جەكە كەزدەسىپ، ءاربىر وتباسى ءبىزدىڭ ۇكىمەتتىڭ قاراۋىنسىز قالمايتىنىن ايتتى. قوستاناي وبلىسىندا زارداپ شەككەندەرگە كومەك كورسەتۋ جونىندەگى حالىق اكسياسىن قولداي وتىرىپ، الماتى وبلىسى دا كومەككە ءوز ۇلەستەرىن قوسۋدا. ياعني، بالالارعا ارنالعان جايالىقتار – 9 مىڭ دانا، قۇرىلىس ماتەريالدارى – 10 توننا، ازىق-تۇلىكتەن: كۇنباعىس مايى، تاۋىق ەتى – 10 توننا، كەسپە – 3 توننا، پياز-7 توننا، كۇرىش پەن الما-5 توننادان جانە تاعى دا باسقاسى يۋار. سونىمەن قاتار، ءبىرقاتار مەملەكەتتىك قىزمەتكەرلەر ءبىر كۇندىك جالاقىلارىن ءاۋداردىى. قازىرگى ۋاقىتتا ايماقتان ەكى گازەل مەن ءتورت جۇك كولىگى شىقتى. قوستاناي وبلىسىنا كومەككە 10 ەرىكتى كەتتى»، - دەدى ول.
بۇل ماقالا تۋرالى نە ويلايسىز؟