ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

الماتىدا موپەد ۇرلاپ ساتۋمەن ادىستەنگەن جاس جىگىتتەردىڭ توبى قۇرىقتالدى

12 مامىر 2024 350

الماتىنىڭ تۇرعىن ءۇي الاڭدارىندا موپەد ۇرلاۋمەن اينالىسقان ەكى توپ ۇستالدى. جاس جىگىتتەردەن قۇرالعان توپ تۇرعىنداردىڭ شاعىن كولىكتەرىنە قىرعيداي ءتيىپ، ونى ساتۋعا شىعارعان، دەپ حابارلايدى Alash.KZ ۇلتتىق پورتالى.

الماتى قالاسىنداعى پوليسيا قىزمەتى ۇرلىق-قارلىق جاعدايى جايدى حابارلادى: 

"وتكەن مەرەكە كۇندەرى ءبىز ەكى توپتىڭ قۇرامىندا ارەكەت ەتكەن 6 جاس جىگىتتىڭ موپەد ۇرلاۋ ارەكەتتەرىن اشكەرەلەدىك. ولار تۇنگى ۋاقىتتا بوتەن ادامداردىڭ موپەدتەرىن ۇرلاعان. قىلمىستىق جولمەن الىنعانىن الدىن الا بىلە تۇرا، ۇرلانعان تاۋاردى الىپ وتىرعان ساتىپ الۋشى دا ۇستالدى. قىلمىسقا قاتىسى بار ءاربىر ادامنىڭ ارەكەتىنە تەرگەۋمەن قۇقىقتىق باعا بەرىلەتىن بولادى"، - دەدى اۋەزوۆ اۋداندىق پوليسيا باسقارماسىنىڭ باستىعى، پوليسيا پولكوۆنيگى ۇلان ءابىلقايىر.

ۇرلىقتى اشكەرەلەۋ بارىسىندا الماتى پوليسياسى ەكى دوڭعالاقتى كولىكتەردى ۇرلىقتان قورعاۋ جولدارىن دا ۇسىنادى:

- كولىكتى كىرەبەرىستە قاراۋسىز قالدىرماڭىز؛

-ۆەلوسيپەدتەردى، موپەدتەردى، ساموكاتتاردى، ۇرلىققا قارسى قۇرالداردى پايدالانا وتىرىپ، بەينەكامەرالارمەن جابدىقتالعان ورىنداردا تۇراققا قويىڭىز؛

-ۇرلانعان جاعدايدا دەرەۋ «102» پۋلتىنە حابارلاڭىز؛

-سونداي-اق، ۇرلانعان مۇلىك تۋرالى اقپاراتتى دايىنداۋ قاجەت: قۇجاتتار، ماركا، ءتۇس، فوتوسۋرەتتەر، سەريالىق نەمەسە باسقا نومىرلىك بەلگىلەر؛

بوتەننىڭ مۇلكىن ۇرلاۋعا قارسى كۇرەستىڭ باعىتى - موپەد، ۆەلوسيپەد، ساموكاتتار ۇرلىعىنىڭ الدىن الۋ.

تالداۋ كورسەتكەندەي، كوپ جاعدايدا ۇرلىقتىڭ بۇل ءتۇرى كەيبىر ازاماتتاردىڭ ءوز مۇلكىنە ۇقىپسىز قاراۋى، موپەدتەرىن، ۆەلوسيپەدتەرىن جانە ساموكاتتارىن قاراۋسىز قالدىرۋى ناتيجەسىندە جاسالاتىنى ناقتىلاندى. 

 

بۇل ماقالا تۋرالى نە ويلايسىز؟