ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"الماتى سۋ" باس ديرەكتورىنىڭ ورىنباسارى ۇستالدى

19 ءساۋىر 2024 591

"الماتى سۋ" باس ديرەكتورىنىڭ ورىنباسارى جانە قىزىلوردا وبلىسىنىڭ كاسىپكەرلىك باسقارماسىنىڭ باسشىسى ۇستالدى، - دەپ حابارلايدى alash.kz سايتى.

سىبايلاس جەمقورلىققا قارسى قىزمەت بيزنەسكە كەدەرگىلەردى جويۋعا ەرەكشە نازار اۋدارىپ وتىر.

سونداي-اق، كاسىپكەرلەردىڭ قىزمەتىنە، ونىڭ ىشىندە قىلمىستىق-قۇقىقتىق شارالاردى قولدانا وتىرىپ، زاڭسىز ارالاسۋدىڭ جولىن كەسۋ جۇمىسى اگەنتتىكتىڭ ەرەكشە باقىلاۋىندا.

الماتى قالاسى بويىنشا دەپارتامەنت وسى جۇمىس شەڭبەرىندە اۋىر جەمقورلىق قىلمىس جاساۋدا "الماتى سۋ" شجق مكك باس ديرەكتورىنىڭ ورىنباسارى اشكەرەلەندى.

ول جەرگىلىكتى كاسىپكەردەن ورىندالعان جۇمىستاردىڭ اكتىلەرىنە قول قويعانى جانە جاسالعان مەملەكەتتىك ساتىپ الۋ شارتتارى بويىنشا اقشالاي قاراجات تولەگەنى ءۇشىن 345 ميلليون تەڭگە كولەمىندەگى بۇرىن كەلىسىلگەن سومادان 75 ميلليون تەڭگە العان.

قىزىلوردا وبلىسى بويىنشا سىبايلاس جەمقورلىققا قارسى قىزمەت وبلىستىق كاسىپكەرلىك جانە ونەركاسىپ باسقارماسىنىڭ باسشىسىن جالپى قامقورلىعى مەن كەلىسىمشارتتى ۇزارتۋعا، جەر قويناۋىن ءوندىرۋ كولەمىن ۇلعايتۋ رۇقساتىنا قول قويعانى ءۇشىن ايتارلىقتاي مولشەردە پارا الدى دەگەن كۇدىك بويىنشا ۇستادى.

كۇدىكتىلەرگە قاتىستى سوتتىڭ سانكسياسىمەن "قاماۋدا ۇستاۋ" تۇرىندەگى بۇلتارتپاۋ شاراسى قولدانىلدى.

بۇل ىستەر بويىنشا تەرگەۋ جالعاسىپ جاتىر.

بۇل ماقالا تۋرالى نە ويلايسىز؟