الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ءۇش كىسىنى ءولتىرۋ بويىنشا قىلمىستىق ءىستى قارادى.
ەر ادام ماس كۇيدە ايەل مەن ونىڭ ەكى بالاسىن پىشاقتاپ ولتىرگەن. سوسىن ءۇيدىڭ ەسىگىن قۇلىپتاپ شىعىپ كەتكەن. ءبىراق كەيىن ورالىپ، 40 مىڭ تەڭگەنى الىپ، ءۇيدى ورتەپ جىبەرگەن.
ءسويتىپ ءىزىن جاسىرعان قىلمىسكەردى تانىعان وقىرماندار كازينودا جۇرەتىنىن ايتىپ، پوليسەيلەردىڭ تەز ارادا تاۋىپ الۋىنا كومەكتەسكەن.
سوتتالۋشىنىڭ كىناسى ءىس ماتەريالدارىمەن تولىق دالەلدەنگەن.
"سوت سوتتالۋشىنى وزىنە تاعىلعان قىلمىستاردى جاساعانى ءۇشىن كىنالى دەپ تانىپ، ءومىر بويىنا باس بوستاندىعىنان ايىرۋ جازاسىنا كەستى"، – دەپ حابارلايدى الماتى وبلىستىق سوتىنىڭ باسپا ءسوز قىزمەتى.
سوتتىڭ ۇكىمى ءالى زاڭدى كۇشىنە ەنگەن جوق.
