ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

اكتريسالاردى حيدجابسىز تۇسىرگەنى ءۇشىن بەلگىلى رەجيسسەرگە دۇرە سوعىلىپ، بوستاندىعىنان ايىرىلدى

09 مامىر 2024 373

يران رەجيسسەرى موحامماد راسۋلوف قاتاڭ جازاعا تارتىلدى. سوت ونى ەل قاۋىپسىزدىگىنە قارسى قىلمىستار جاساۋدى كوزدەيتىن اشىق مالىمدەمەلەر ايتىپ، كوركەم جانە دەرەكتى فيلمدەر تۇسىرگەنى ءۇشىن جازاعا كەستى.

Stan.kz مالىمدەۋىنشە، ول ليسەنزياسىز ءتۇسىرىلىم جاساپ، اكتريسالاردى حيدجابسىز ءتۇسىردى دەپ ايىپتالدى.

بۇعان دەيىن دە ول جازاعا تارتىلىپتى. العاش رەت 2010 جىلى رۇقساتسىز تۇسىرىلىمگە تۇسكەنى ءۇشىن قاماۋعا الىنعان. باستاپقىدا ول التى جىلعا باس بوستاندىعىنان ايىرىلدى، ءبىراق كەيىن جازا ءبىر جىلعا قىسقاردى.

2017 جىلى شەتەلدەن ورالعان سوڭ وعان ەلدەن شىعۋعا تىيىم سالىندى. راسۋلوف ۇكىمەتتى سىناعانى ءۇشىن 2022 جىلدان 2023 جىلعا دەيىن تۇرمەدە وتىردى، ءبىراق دەنساۋلىعىنا بايلانىستى مەرزىمىنەن بۇرىن بوساتىلدى.

موحامماد راسۋلوف – كوپتەگەن كينوسىيلىقتاردىڭ لاۋرەاتى جانە نومينانتى.

2020 جىلى ول "زۇلىمدىق جوق" جۇمىسى ءۇشىن بەرلين كينوفەستيۆالىنىڭ "التىن ايۋ" سىيلىعىن الدى. سونداي-اق ونىڭ "قاسيەتتى ءىنجىر تۇقىمى" ءفيلمى كانن كينوفەستيۆالىنە قاتىسۋ ءۇشىن تاڭدالدى.

بۇل ماقالا تۋرالى نە ويلايسىز؟