ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«Air Astana» ۇشاعىندا قامالىپ قالعان جولاۋشىلاردىڭ ۆيدەوسى تارادى

04 ماۋسىم 2024 359

الەۋمەتتىك جەلىلەردە ۇشاق سالونىندا قامالىپ وتىرعان جولاۋشىلاردىڭ ۆيدەوسى تارادى. الگى ۆيدەودان ادامداردىڭ ءوزىن جايسىز سەزىنگەنى بايقالادى، دەپ حابارلايدى Alash.kz.

وسى وقيعا قاتىستى «Air Astana» اۋەكومپانياسى 3 ماۋسىمدا الماتىدا نارازى جولاۋشىلار تۇسىرگەن ۇشاقتاعى ۆيدەوعا قاتىستى تۇسىنىكتەمە بەردى، دەپ جازدى Skifnews.kz اقپارات پورتالى.

كومپانيا مالىمەتىنشە، اۋە تاسىمالداۋشى وكىلدەرى 2 ماۋسىمدا استانا – الماتى باعىتى بويىنشا FlyArystan لوۋكوستەرىنىڭ KC 7332 رەيسىن Air Astana اۋەكومپانياسى ورىنداعانىن جەتكىزدى.

ۇشاق الماتىعا ساعات 19:30-دا ءسال كەشىگىپ كەلگەن. ۇشاق تۇراققا كەلگەننەن سوڭ جولاۋشىلار ءتۇسۋ ءۇشىن ارنايى تراپتى كۇتۋگە ءماجبۇر بولدى. ولاردىڭ ايتۋىنشا، تراپتى كەشىكتىرۋ جاعدايى اۋەجايعا كەلەتىن رەيستەرگە قىزمەت كورسەتۋ كەزىندە پايدا بولعان كەزەككە بايلانىستى تۋىنداعان.

«ۇشقىشتار مەن بورتسەرىكتەر جولاۋشىلارعا تراپتىڭ كەشىكتىرىلەتىنىن حابارلادى، سونىمەن قاتار ۇشاقتاعىلارعا سۋ تاراتىلدى. وكىنىشكە قاراي، تەحنيكالىق سەبەپتەرگە بايلانىستى جەردە كونديسيونەر جۇمىس ىستەمەدى جانە ءبىر ايەل ءوزىن ناشار سەزىندى. بورتسەرىك وعان سۋ مەن وتتەگى باللونىن اكەلىپ بەردى»، – دەدى «Air Astana» كومپانياسىنان.

سونىمەن قاتار، بىرنەشە ادام ۇشاقتىڭ ەسىگىن ءوز بەتىمەن اشۋعا تىرىسقان، ال بۇعان قاتاڭ تىيىم سالىنادى. الايدا، جولاۋشىلاردىڭ ءبىرى ەسكەرتۋلەرگە قاراماستان، قورعانىس قاقپاعىن لاقتىرىپ، ەسىكتىڭ تۇتقاسىن تارتتى.

ساعات 20:15 تراپتى سۇيرەگەن كولىك، سونىمەن قاتار جەلىلىك پوليسيا قىزمەتكەرلەرى كەلگەن.

«Air Astana اۋە كومپانيالار توبى KC 7332 رەيسىنىڭ جولاۋشىلارىنان كەلتىرىلگەن قولايسىزدىقتار ءۇشىن كەشىرىم سۇرايدى. اۋە كومپانيا مەن اۋەجاي قىزمەتتەرى ىشكى تەكسەرۋ جۇرگىزەدى»، – دەلىنگەن حابارلامادا.

بۇل ماقالا تۋرالى نە ويلايسىز؟