ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ابىلاي مىرزاحمەتوۆ 5 جىلعا سوتتالدى

13 مامىر 2024 444

«اتامەكەن» ۇلتتىق كاسىپكەرلەر پالاتاسىنىڭ بۇرىنعى باسقارما ءتوراعاسى ابىلاي مىرزاحمەتوۆ بەس جىلعا باس بوستاندىعىنان ايىرىلدى، دەپ حابارلادى alash.kz.

سوت ۇكىمىمەن م. اسا ءىرى مولشەردە الاياقتىق جاساۋدا كىنالى دەپ تانىلىپ، 5 جىلعا سوتتالدى. ول جەرگىلىكتى ءوزىن-وزى باسقارۋ ورگاندارىندا جانە كۆازيمەملەكەتتىك سۋبەكتىلەر سەكتورىندا 10 جىل ۋاقىت مەرزىمىندە قىزمەتكە ورنالاسۋ قۇقىعىنان ايىرىلدى، - دەلىنگەن استانا قالالىق قىلمىستىق ىستەر بويىنشا اۋدانارالىق سوتتىڭ قاۋلىسىندا.

سونىمەن قاتار، سوت ۇكىمىمەن سوتتالۋشىدان «قىلمىستىق جولمەن الىنعان» 5،8 ملرد تەڭگە مەملەكەت پايداسىنا تاركىلەندى. مىرزاحمەتوۆ مەملەكەتتىك ناگرادالارىنان ايىرىلدى. 

سوت ۇكىمى زاڭدى كۇشىنە ەنگەن جوق.

ايتا كەتەيىك، سىبايلاس جەمقورلىققا قارسى ءىس-قيمىل اگەنتتىگى ابىلاي مىرزاحمەتوۆتى 2023 جىلدىڭ 11 مامىرىندا ۇستادى. ول الاياقتىق پەن كاسىپكەردى ونىڭ تۋىسىن قىلمىستىق جاۋاپكەرشىلىكتەن بوساتۋعا جاردەمدەسكەنى ءۇشىن اسا ءىرى كولەمدە پارا بەرۋگە يتەرمەلەگەن دەگەن كۇدىككە ىلىنگەن بولاتىن.

سودان كەيىن 2018-2019 جىلدار ارالىعىندا ەڭبەك جانە حالىقتى الەۋمەتتىك قورعاۋ ۆيسە-مينيسترى بولعان نۇرجان التايەۆ دەلدال ارقىلى ابىلاي مىرزاحمەتوۆتەن پارا رەتىندە جالپى سوماسى 50 ملن تەڭگەدەن استام قاراجات الدى دەپ ايىپتالدى. ول سوت ۇكىمىمەن 10 جىلعا باس بوستاندىعىنان ايىرىلدى.

بۇل ماقالا تۋرالى نە ويلايسىز؟