ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

9 مامىر كۇنى ماڭعىستاۋدا 29 جاستاعى ەر ادام 8-سىنىپ وقۋشىسىن زورلاعان

10 مامىر 2024 549

9 مامىر كۇنى ماڭعىستاۋ وبلىسى مۇنايلى اۋداندىق پوليسيا بولىمىنە جەرگىلىكتى تۇرعىن حابارلاسقان. ول 14 جاستاعى قىزىن Daewoo Nexia كولىگىندەگى ەر ادام جەتكىزىپ تاستاعانىن ايتتى. ونىڭ ايتۋىنشا، تۇنگى ساعات ۇشتەر شاماسىندا باسقۇدىق اۋىلىنىڭ ماڭىندا 29 جاستاعى جۇرگىزۋشى 8-سىنىپ وقۋشىسىن زورلاعان.بۇل تۋرالى Alash.kz Stan.kz سايتىنا سىلتەمە جاساپ حابارلايدى.

پوليسيا قىزمەتكەرلەرى كۇدىكتىنى ۇستاپ، ۋاقىتشا ۇستاۋ يزولياتورىنا قامادى. قىلمىستىق كودەكستىڭ 120-بابى 4-بولىگى "كامەلەتكە تولماعان بالانى زورلاۋ" بويىنشا سوتقا دەيىنگى تەرگەۋ باستالدى.

بۇعان دەيىن تالدىقورعان پوليسيا باسقارماسىنىڭ ەكس-باسشىسى مارات كۇشتىبايەۆتىڭ قىز زورلاعانى ءۇشىن 11 جىلعا سوتتالعانى حابارلانعان بولاتىن. بۇرىنعى پوليسيا قىزمەتكەرى قىلمىستىق كودەكستىڭ 120-بابى 2-بولىگىنىڭ 5-تارماعى "قىزمەتتىك مىندەتتەرىن اتقارا وتىرىپ، جابىرلەنۋشىگە كۇش قولدانىپ زورلاۋ" بويىنشا كىنالى دەپ تانىلدى. قىلمىس 2023 جىلدىڭ 12 قاراشاسىندا بولعان. كۇشتىبايەۆ قالالىق ىشكى ىستەر ءبولىمىنىڭ باستىعى بولا تۇرا، ءوز كابينەتىندە 27 جاستاعى قىزدى زورلاعان.

 

بۇل ماقالا تۋرالى نە ويلايسىز؟