ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

7،1 ملرد تەڭگە: سقو-دا تەندەرلەردىڭ كۇشى جويىلدى

04 ماۋسىم 2024 237

سقو-دا بيۋدجەت قاراجاتىن ۇتىمدى پايدالانۋدى تالداۋ شەڭبەرىندە مەملەكەتتىك ساتىپ الۋ تۋرالى زاڭنامانى ورەسكەل بۇزۋ فاكتىلەرى انىقتالدى، دەپ حابارلايدى Alash.kz سايتى inbusiness.kz سايتىنا سىلتەپ.

پەتروپاۆل قالاسىنىڭ تۇرعىن ۇي-كوممۋنالدىق شارۋاشىلىق ءبولىمىنىڭ لاۋازىمدى تۇلعالارى "مەملەكەتتىك ساتىپ الۋ" جانە "ق ر ساۋلەت-قالا قۇرىلىسى، قۇرىلىس قىزمەتى تۋرالى" قازاقستان رەسپۋبليكاسى زاڭدارىنىڭ تالاپتارىن بۇزا وتىرىپ، سوماسى 3،6 ملرد. تەڭگەگە جەر ۋچاسكەلەرىنە قۇقىق بەلگىلەيتىن قۇجاتتارسىز، قۇرىلىس بويىنشا مەملەكەتتىك ساتىپ الۋلار جۇرگىزگەن.

شال اقىن اۋدانىندا ەكونوميكا جانە قارجى ءبولىمى "مەملەكەتتىك ساتىپ الۋ تۋرالى" قازاقستان رەسپۋبليكاسى زاڭىنىڭ (بۇدان ءارى-زاڭ) تالاپتارىنا قايشى، اۋلا اۋماقتارىن اسفالتتاۋ بويىنشا مەكەنجايى مەن جۇمىس كولەمىن كورسەتپەي سوماسى 57،8 ملن تەڭگەگە ساتىپ الۋ جۇرگىزگەن.

ەسىل اۋدانىندا تۇرعىن ۇي-كوممۋنالدىق شارۋاشىلىق ءبولىمى زاڭنىڭ 21-بابىن بۇزا وتىرىپ، ساتىپ الىناتىن تاۋاردىڭ ماركاسىن كورسەتە وتىرىپ، 113،8 ملن تەڭگە سوماسىندا كومىر ساتىپ الۋدى جۇزەگە اسىرعان.

قاداعالاۋ ورگانىنىڭ نارازىلىعىنا بايلانىستى جوعارىدا اتالعان ساتىپ الۋلار جويىلىپ، كىنالى لاۋازىمدى تۇلعالاردى زاڭدا بەلگىلەنگەن جاۋاپكەرشىلىككە تارتۋ شارالارى جۇرگىزىلۋدە.

جالپى جىل باسىنان بەرى پروكۋرورلار بۇل سالادا 20 مەملەكەتتىك ساتىپ الۋدى بۇزىپ، ناتيجەسىندە 7،1 ملرد تەڭگە بيۋدجەت قاراجاتىنىڭ جۇمسالۋىنا جول بەرمەدى.

جىبەرىلگەن بۇزۋشىلىقتار ءۇشىن 29 لاۋازىمدى تۇلعا ءارتۇرلى جاۋاپكەرشىلىككە تارتىلدى، ونىڭ ىشىندە 7ء-ى مەملەكەتتىك قىزمەتتىڭ بەدەلىن تۇسىرگەنى ءۇشىن، 4ء-ى جۇمىستان بوساتىلدى جانە 3ء-ى تولىق سايكەس ەمەستىگى تۋرالى ەسكەرتىلدى.

بۇل ماقالا تۋرالى نە ويلايسىز؟